قازاقستاندا قانداي ماماندار سۇرانىستا بولادى
استانا. KAZINFORM - ەڭبەك رەسۋرستارىن دامىتۋ ورتالىعىنىڭ ۆيتسە- پرەزيدەنتى شالقار بايقۇلاقوۆ كەلەشەكتە ەلىمىزدە قانداي ماماندارعا سۇرانىس ارتاتىنىن ايتىپ بەردى.

- ءبىزدىڭ بولجامىمىز بويىنشا، 2030 -جىلعا دەيىن 1,8 ميلليون جۇمىسشى سۇرانىستا بولادى. سونىڭ 1 ميلليونى - سلەسار، توكار، كرانشى سەكىلدى جۇمىسشى ماماندىقتارى بولادى. سول سەبەپتى سولارعا سۇرانىس ارتقانىن كورىپ وتىرمىز. كەلەسى ماسەلە - دەموگرافيامىز ءوسىپ كەلەدى، ادام سانى كوبەيگەندىكتەن مۇعالىمدەر مەن دارىگەرلەر كوبىرەك كەرەك بولادى، - دەدى ش. بايقۇلاقوۆ اگەنتتىكتىڭ «Bizdin orta» پودكاستىندا.
ءماجىلىس دەپۋتاتى جۇلدىز سۇلەيمەنوۆانىڭ ايتۋىنشا، دەموگرافيانىڭ ءوسۋى الەۋمەتتىك ينفراقۇرىلىمعا دا ۇلكەن جۇكتەمە ارتادى، سول سەبەپتى قۇرىلىسشىلار، ونىڭ ىشىندە تۇرعىن ءۇي، مەكتەپ، اۋرۋحانا سالاسىن قۇرىلىس ماماندارى قاجەت بولادى.
- بۇعان دەيىن جىل سايىن 120 مىڭ جاس تۇلەك مەكتەپتى اياقتايتىن، ال 2023 -جىلى 400 مىڭ بالا 1- سىنىپقا باردى. دەمەك 11 جىلدان كەيىن 400 مىڭ تۇلەك وقۋعا كەلەدى. ياعني، وسىنداي ءۇش ەسە كوپ ميگراتسيالىق تولقىن بولادى، ولارعا ءۇش ەسە كوپ اۋرۋحانا كەرەك، ءۇش ەسە كوپ ۋنيۆەرسيتتەر مەن جۇمىس ورىندارى كەرەك. ولار تۇتىنۋشى بولعاندىقتان، جەڭىل ونەركاسىپتى دە جولعا قويۋ كەرەك. ءبىز جوسپارلى ەكونوميكادان باس تارتتىق دەسەك تە، ءبارىبىر ەلىمىزگە ساراپتامالىق تالداۋ مەن جوسپار كەرەك، - دەدى ءماجىلىس دەپۋتاتى.
سونىمەن بىرگە، پودكاست قوناقتارى ا ە س قۇرىلىسى سەكىلدى جاڭا ءىرى جوبالار مەن جاڭا ترەندتەرگە بەيىمدەلۋدىڭ دە ماڭىزدى ەكەنىن اتاپ ءوتتى.
وسىعان دەيىن جاساندى ينتەللەكت قازاقستاننىڭ ەڭبەك نارىعىنا قالاي اسەر ەتەتىنىن تۋرالى جازدىق.