قازاقستاندا كرەاتيۆتى ەكونوميكا سۋبەكتەرىنىڭ سانى 17 پايىزعا ءوستى
استانا. KAZINFORM - مادەنيەت جانە اقپارات مينيسترلىگى جارتىجىلدىق قورىتىندىسى بويىنشا كرەاتيۆتى يندۋستريانىڭ دامۋىنا قاتىستى مالىمەتتى جاريالادى.
قابىلدانعان زاڭنامالىق نورمالار، سالىقتىق جەڭىلدىكتەر جانە ينفراقۇرىلىم قۇرۋ ناتيجەسىندە ەلدىڭ الەمدىك رەيتينگىدەگى ورنىن جاقسارتتى.
اتاپ ايتقاندا، قازاقستان قاسىم- جومارت توقايەۆتىڭ باستاماسىمەن الەمدىك زياتكەرلىك مەنشىك ۇيىمى رەيتينگىندە (WIPO) «كرەاتيۆتى ونىمدەر مەن قىزمەتتەر» كورسەتكىشى بويىنشا 93-ورىننان 65-ورىنعا، ال كينەماتوگرافيا سالاسىندا 60-ورىننان 31-ورىنعا كوتەرىلدى.
بۇگىندە ەلدە 16 كرەاتيۆتى ورتالىق جۇمىس ىستەپ، اكسەلەراتورلار، حالىقارالىق تاعىلىمدامالار مەن ءبىلىم بەرۋ باعدارلامالارى ىسكە قوسىلعان. بۇل باستامالار كەراتيۆتى ازاماتتار مەن جوبالاردى قولداۋعا باعىتتالعان.
2025-جىلدىڭ ەكىنشى جارتىسىندا كورپوراتيۆتىك كرەاتيۆتى يندۋستريانى قولداۋ قورى ءوز جۇمىسىن باستايدى. قور ءتورت نەگىزگى باعىت بويىنشا قىزمەت كورسەتەدى. اتاپ ايتساق، تالانتتاردى انىقتاۋ جانە اكسەلەراتسيالاۋ، جوبالارعا ينۆەستورلار تارتۋ جانە ينفراقۇرىلىمدى دامىتۋ، سونداي‑اق قازاقستاندىق كرەاتيۆتى ونىمدەردى حالىقارالىق نارىققا شىعارۋ.
2024-جىلدان باستاپ 40 كرەاتيۆتى ەكونوميكالىق قىزمەت تۇرىنە قاتىستى 2- 4 پايىز بولشەك ساتۋ سالىعىن ەنگىزگەن ارنايى سالىق رەجيمى ىسكە قوسىلدى. بۇل شارا كرەاتيۆتى يندۋستريا سۋبەكتتەرىنىڭ سانىن جىل سايىن شامامەن 17 پايىز، ياعني 46667 كاسىپورىنعا كوبەيتتى.
- مەملەكەتتىڭ 2029-جىلعا قويعان جوسپارى بويىنشا كرەاتيۆتى يندۋستريالاردىڭ ج ءى ءو- گە قوسقان ۇلەسىن %2 عا دەيىن ارتتىرۋ (بۇگىندە 1 پايىز)، كرەاتيۆتى ونىمدەر مەن قىزمەتتەر ەكسپورتىنىڭ كولەمىن 115 ميلليون ا ق ش دوللارىنا، ال وسى سالادا قىزمەت ەتەتىن ماماندار سانىن 180 مىڭعا دەيىن جەتكىزۋ كوزدەلگەن. بۇل شارالار كرەاتيۆتى يندۋستريانىڭ قازاقستان ەكونوميكاسى ءۇشىن ستراتەگيالىق ماڭىزىن كورسەتىپ، ەلدىڭ الەمدىك نارىقتا جوعارى ورىنداردان كورىنۋىنە سەپ بولادى، - دەلىنگەن حابارلامادا.
بۇدان بۇرىن كرەاتيۆتى يندۋستريا سالاسىندا 100 مىڭنان استام قازاقستاندىق ەڭبەك ەتىپ جاتقانىن جازعانبىز.
