Qazaqstanda jog'ary bilimdi fy'tbol bapkerleri dai'yndala bastai'dy
Kezdesy'de Ey'razi'a ulttyq y'ni'versi'tetinin' dene s'ynyqtyry' ja'ne sport kafedrasynda «fy'tbol jattyqtyry's'ysy» mamandyg'yn engizy' ma'selesi talqylandy. Eki jyldyq da'risten kei'in sty'dentter o'z mamandyg'yn tan'dai' alatyn bolady. A'ri qarai' tag'y eki jyl sporttyn' osy tu'rinen teren' bilim men'geredi. Al bul o'z kezeginde fy'tbol jattyqtyry's'ysy bolyp jumys istey'ge mu'mkindik beredi.
«Bul jaqsy bastama. Osy jobany ju'zege asyry' u's'in arnai'y jumys toby qurylmaq. Fy'tbol - buqaralyq sporttyn' en' ko'p taralg'an tu'ri. Osyndai' jan'a bastamalardyn' arqasynda bilikti jattyqtyry's'y-oqyty's'ylar s'yg'ady. Jas o'renderdin' ataqty fy'tbols'y boly'dy armandai'tyny es'kimge qupi'a emes», - dedi y'ni'versi'tet rektory Erlan Sydyqov.
O'z kezeginde Qazaqstan Fy'tbol federasi'asynyn' bas hats'ysy Azamat Ai'tqoji'n osy i'dei'anyn' ju'zege asy'yna elimizdin' bas fy'tbol mekemesi baryns'a qolday' ko'rsetetinin atap o'tti.
«Qazaqstan Fy'tbol federasi'asynyn' Tehni'kalyq ortalyg'ynda osy mamandyq boi'yns'a y'ni'versi'tet kafedrasynyn' oqyty's'ylaryn dai'ynday'g'a barlyq jag'dai' jasalg'an. Bizdin' federasi'a otandyq bapkerlerdi a'rdai'ym qoldai'dy. Al bul i'dei'a - tek bastamasy g'ana. Keles'ekte fy'tbol jattyqtyry's'ysy atanatyn y'ni'versi'tet tu'legi da'risin jalg'astyryp, jattyqtyry's'ylar kategori'asyn aly'dy qalai'dy. Al olardyn' osy oi'yn ju'zege asyry'g'a barlyq mu'mkindigi bolady», - dedi Azamat Ai'tqoji'n.
Ai'ta ketei'ik, Qazaqstan Fy'tbol federasi'asy elimizdin' bilim bery' mekemelerinin' bastay'ys' synyptarynda o'skelen' urpaqqa fy'tboldyn' qyr-syryn i'gery'ge mu'mkindik beretin fy'tbol sabag'yn engizdi. Bul jobany elimizdin' segiz o'n'irinen 215 mektep qolg'a aldy.
