قازاقستاندا جانارماي ەكسپورتىنا تىيىم سالۋ مەرزىمى ۇزارتىلادى

استانا. KAZINFORM - ەنەرگەتيكا مينيسترلىگى «قازاقستان رەسپۋبليكاسىنىڭ اۋماعىنان مۇناي ونىمدەرىن اكەتۋدىڭ كەيبىر ماسەلەلەرى تۋرالى» بىرلەسكەن بۇيرىقتىڭ جوباسىن دايىندادى.

- قازاقستان رەسپۋبليكاسىنىڭ اۋماعىنان، ونىڭ ىشىندە ەۋرازيالىق ەكونوميكالىق وداققا مۇشە مەملەكەتتەرگە بەنزيندەردى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن اۆتوموبيل كولىگىمەن اكەتۋگە التى اي مەرزىمگە تىيىم سالۋ ەنگىزىلسىن،- دەلىنگەن جوبادا.

مىنا تۇردەگى مۇناي ونىمدەرىن شىعارۋعا تىيىم سالىنبايدى:

- اۆتوكولىك ءوندىرۋشىسى ۇسىنعان گاز تسيستەرنالارىندا شىعارۋ؛

- ونەركاسىپتىك وندىرىسكە ەنگىزۋ ماقساتىندا تاجىريبەلىك پارتيادان الىنعان ۇلگىلەردىڭ قوسپالارىن ىرىكتەۋگە، بىلىكتىلىك جانە زەرتحانالىق سىناقتار بويىنشا عىلىمي-زەرتتەۋ جۇمىستارىن جۇرگىزۋگە ارنالعان اۆياتسيالىق وتىن؛

- ق ر ۇكىمەتىنىڭ شەشىمى بويىنشا گۋمانيتارلىق كومەك شەڭبەرىندە ەكسپورتتالاتىن مۇناي ونىمدەرىنىڭ جەكەلەگەن تۇرلەرى.

بۇيرىق جوباسى «اشىق ن ق ا» پورتالىندا 2024 -جىلدىڭ 19-تامىزىنا دەيىن ورنالاستىرىلعان.