قازاقستاندا جالپى ىشكى ءونىم ءوسىمى 6 پايىزعا جەتتى

بيىلعى ءتورت ايدىڭ قورىتىندىسى بويىنشا جالپى ىشكى ءونىم (ج ءى ءو) ءوسىمى 6 پايىزعا جەتتى، - دەپ حابارلايدى ماسساگەت ءتىلشىسى.

ەكونوميكا مينيسترلىگى مالىمەتىنشە، كولىك (%22,4)، ساۋدا (%7) سەكىلدى سالالاردا دامۋ قارقىنى ارتقانى بايقالادى. ءوسىم اۋىل شارۋاشىلىعى (%3,9) جانە بايلانىس (%2,6) سالالارىندا دا تىركەلگەن.

كولىك سالاسى بويىنشا

كولىك سالاسىنداعى ءوسىم تەمىر جول جانە قۇبىر كولىگىمەن جۇكتەردى تاسىمالداۋ جونىندەگى قىزمەتتەر كولەمى ۇلعايۋى ەسەبىنەن قامتاماسىز ەتىلدى. جوعارى ديناميكا مىنا وڭىرلەردى تىركەلدى:

تۇركىستان (%21,8)،

جامبىل (%11,2)،

اباي (%14,9) وبلىستارى.

قۇرىلىس سالاسى بويىنشا
قۇرىلىس سالاسىندا ناقتى جۇمىس كولەمىنىڭ يندەكسى %16,2 بولدى.

ساۋدا بويىنشا
ساۋدا سالاسى ءبىرىنشى توقسانداعى %6,3 عا قاراعاندا %7 تۇراقتى ءوسىم كورسەتتى. كوتەرمە ساۋدا كورسەتكىشى %7,4 عا، بولشەك ساۋدا كورسەتكىشى %6,1 عا دەيىن ءوستى. ءبىرقاتار ءوڭىر:

تۇركىستان وبلىسى - جەمىستەردى، كوكونىستەردى، فارماتسيەۆتيكالىق تاۋارلاردى ساتاتىن كاسىپورىندار ەسەبىنەن %60,4؛

اقمولا وبلىسى - استىقتى، تۇقىمداردى جانە مال ازىعىن ساتاتىن كاسىپورىنداردىڭ ارقاسىندا %44؛

شىمكەنت - ديزەل وتىنىن، فارماتسيەۆتيكالىق تاۋارلاردى، قارا جانە ءتۇستى مەتالداردىڭ سىنىقتارى مەن قالدىقتاردى ساتاتىن كاسىپورىندار ەسەبىنەن %19,8 عا جوعارى ءوسىم كورسەتكەن.

ونەركاسىپ بويىنشا
ونەركاسىپتە ءوندىرىس يندەكسى %6,4 عا جەتتى. ءوسىم تاۋ-كەن سەكتورىندا بايقالدى: %7,1، سونىڭ ىشىندە كومىر ءوندىرۋدى ۇلعايتۋ ەسەبىنەن (%11,2) ارتىپ وتىر.

وڭدەۋ ونەركاسىبى بويىنشا
وڭدەۋ ونەركاسىبىندە كورسەتكىش - %7,2، ونىڭ ىشىندە تاماق ونىمدەرىن وڭدەۋ (%12)، تەمەكى ونىمدەرىن (%26,3)، حيميالىق ونىمدەردى ءوندىرۋ (%11,2) جانە ماشينا جاساۋ (%11,2) بار.

اۋىل شارۋاشىلىعى بويىنشا
اۋىل شارۋاشىلىعى وڭ ديناميكا كورسەتىپ وتىر. جالپى ءونىم يندەكسى قاڭتار- ءساۋىر ايلارىندا %3,9 بولعان.