قازاقستاندا حالىقتىڭ جارتىسىنان كوبى ءومىر ءسۇرۋ دەڭگەيىنە قاناعاتتانادى

استانا. KAZINFORM - حالىقتىڭ ءومىر ءسۇرۋ ساپاسى تۋرالى زەرتتەۋ ناتيجەلەرى جاريالاندى، دەپ حابارلايدى ۇلتتىق ستاتيستيكا بيۋروسىنىڭ باسپا ءسوز قىزمەتى.

- ءۇي شارۋاشىلىقتارىنا جۇرگىزىلگەن ىرىكتەمەلى زەرتتەۋ كورسەتكەندەي، حالىقتىڭ %53,2 ى ءوز ءومىر ءسۇرۋ جاعدايلارىنا قاناعاتتاناتىنىن ايتقان. ال %46,3 ى جارتىلاي قاناعاتتاناتىنىن بىلدىرگەن. اۋىلدىق جەرلەردە ءومىر ءسۇرۋ جاعدايىنا قاناعاتتاناتىندار (%65,4) قالالىقتارعا (%51,7) قاراعاندا كوپ. 2024 -جىلمەن سالىستىرعاندا ءومىر ءسۇرۋ جاعدايلارىنا قاناعاتتانۋ دەڭگەيى %52,5  دان %53,2 عا وسكەن، - دەلىنگەن بيۋرو حابارلاماسىندا.

دەنساۋلىققا قاتىستى سۇراقتا رەسپوندەنتتەردىڭ %51 ى ءوز دەنساۋلىعىنا قاناعاتتاناتىنىن، %46,4 ى جارتىلاي قاناعاتتاناتىنىن ايتقان. بۇل كورسەتكىش وتكەن جىلمەن سالىستىرعاندا %1,5 عا ارتقان (2024 -جىلى %49,5 بولعان).

ماتەريالدىق تۇرعىدان قاراعاندا، %73,6 ادامدار وزدەرىن ورتاشا دەڭگەيدە قامتاماسىز ەتىلگەن دەپ سانايدى.

ساۋالناماعا قاتىسۋشىلاردىڭ %65,8 ى تۋىستارى مەن تانىستارىنان مورالدىق قولداۋ الاتىنىنا سەنىمدى.

سونىمەن قاتار، %73 ادام ءوز بولاشاعىنا سەنىمدى جانە جاعدايدىڭ جاقساراتىنىنا ءۇمىتتى.

بۇدان بۇرىن ەلوردا كۇنىنە ارنالعان قىزىقتى ستاتيستيكا جاريالاعان ەدىك.