قازاقستاندا اسكەري تەحنيكا زاۋىتتارى قانداي ونىمدەر شىعارادى
استانا. KAZINFORM - قورعانىس مينيسترلىگى قارۋ-جاراق جانە اسكەري تەحنيكا نارىعىنا، جاۋىنگەرلەردى جابدىقتاۋدىڭ كەلەشەگى بار باعىتتارىنا، دامىعان ەلدەردىڭ ارميانى جابدىقتاۋداعى تەندەنتسيالارىنا، اسكەري قاقتىعىستاردا قولدانىلاتىن اسكەري قيمىلدارعا جۇيەلى تۇردە تالداۋ جاساپ وتىراتىنى تۇسىنىكتى.
بۇل تۇرعىدا اسكەردىڭ جاۋىنگەرلىك ازىرلىگىن قامتاماسىز ەتەتىندەي ساپاسى جوعارى قارۋ- جاراقپەن جانە اسكەري تەحنيكامەن جابدىقتاۋ باعىتىنداعى جۇمىستار جالعاسىپ جاتىر. وسى ورايدا، قازىر ەلىمىزدىڭ قورعانىس سالاسىن اسكەري تەحنيكامەن جانە قۇرالدارمەن قامتاماسىز ەتىپ وتىرعان كاسىپورىنداردىڭ جۇمىسى جايىندا مالىمەتتەردى نازارعا ۇسىنۋدى ءجون كوردىك.
استاناداعى بىرەگەي زاۋىت
«قازاقستان پاراماۋنت ينجينيرينگ» ج ش س - ورتالىق ازياداعى زاماناۋي قۇرىشتالعان دوڭگەلەكتى تەحنيكا شىعاراتىن ەڭ ءىرى كاسىپورىن. بروندى تەحنيكانىڭ مىناداي تۇرلەرىن شىعارادى:
- 4*4 دوڭگەلەكتى فورمۋلاسىنداعى «ارلان» ب د م
- 4*4 دوڭگەلەكتى فورمۋلاسىنداعى «الان» ب د م
- 6*6، سونداي- اق 8*8 دوڭگەلەكتى فورمۋلاسىنداعى «بارىس» ب ت ر- لەر.
كاسىپورىن ميناعا قارسى ۇلگىسىندەگى بروندى ماشينالار شىعارۋعا مۇمكىندىك بەرەتىن يننوۆاتسيالىق تەحنولوگياعا يە. كاسىپورىننىڭ جوعارى تەحنولوگيالى قوندىرعىلارى جۇمىستىڭ تولىق تسيكلىن جۇزەگە اسىرۋعا مۇمكىندىك بەرەدى.
«ءبىزدىڭ كومپانيا زاماناۋي قۇرىشتالعان دوڭگەلەكتى ماشينا شىعارۋعا ارنالعان. ميناعا قارسى MRAP ۇلگىسىندەگى بروندى ماشينالاردى پايدالانۋعا بەرىپ جاتىرمىز. ماسەلەن، «الان» ماشيناسىنىڭ جوباسى تولىقتاي قازاقستاندا ازىرلەگەن. ءبىزدىڭ ينجەنەرلەر وسىنى دايارلار شىعاردى. بۇگىن وسى كولىك ءتۇرىن قۇقىق قورعاۋ ورگاندارى، توتەنشە جاعدايلار مينيسترلىگى الىپ جاتىر. كومپانيا وندىرىسىنە قاتىستى ەلىمىزدە قولداۋ بار. اتاپ ايتقاندا، وتاندىق وسىنداي كولىكتەردى وندىرۋگە مەملەكەتتىك تاپسىرىس ارتىپ كەلەدى. سونىمەن قاتار، كومپانيا جاۋىنگەرلىك مودۋلدەردى - اتىس قارۋىن باسقارۋ جۇيەسىن شىعاراتىن ەنشىلەس ءوندىرىستى قۇرۋدى باستادى. ماشينالاردىڭ ۇستىنە قارۋ-جاراقتى باسقاراتىن ءتيىستى مودۋلدەر ورناتىلادى. جاقىن ارادا ەكىنشى زاۋىتتىڭ ىرگەتاسى قالانادى. مۇنىمەن قوسا، كومپانيا ءوزىنىڭ سەرىكتەستەرىمەن بىرلەسە ۇشقىشسىز باسقارىلاتىن اپپاراتتار شىعاراتىن زاۋىتتىڭ قۇرىلىسىنا كىرىسەدى. ەڭ باستىسى، ءبىزدىڭ زاۋىتتا كونسترۋكتورلىق بيۋرو بار. ونداعى جاس ينجەنەرلەردىڭ جۇمىسى، بارلىق زياتكەرلىك مەنشىك قازاقستانعا تيەسىلى»، - دەدى «قازاقستان پاراماۋنت ينجينيرينگ» ج ش س كوممۋنيكاتسيا دەپارتامەنتىنىڭ باسشىسى نايزابەك ولجاباي ۇلى.
اسكەري تەحنيكانى كىمدەر جوندەپ جاتىر؟
«قازاقستان ينجينيرينگ» ۇلتتىق كومپانياسى» ا ق - ەلدەگى ءىرى ماشينا جاساۋ كاسىپورىندارىندا ءبىرىڭعاي قارجىلىق، وندىرىستىك جانە تەحنولوگيالىق ساياساتتى قامتاماسىز ەتەتىن حولدينگتىك قۇرىلىم. كومپانيانىڭ جالعىز اكتسيونەرى رەتىندە ق ر ونەركاسىپ جانە قۇرىلىس مينيسترلىگى سانالادى.
جالپى، قازاقستان ينجينيرينگ كومپانيالار توبىنىڭ قۇرامىنا 14 كاسىپورىن كىرەدى. ماسەلەن، ونىڭ قۇرامىنداعى «قازاقستان ينجينيرينگ «RD ورتالىعى» ج ش س قىزمەتى اسكەري-ونەركاسىپتىك كەشەن سالاسىنداعى وتاندىق عىلىمدى دامىتۋعا، عىلىمي-تەحنيكالىق قامتاماسىز ەتۋگە جانە مەملەكەتتىك قاۋىپسىزدىك باعىتىندا جاڭا ءوندىرىس تۇرلەرىن دامىتۋعا باعىتتالعان. نەگىزگى باعىت - يدەيالاردى جاپپاي وندىرىسكە ەنگىزۋ ماقساتىندا روبوتتىق تەحنولوگيانى ازىرلەۋ ءارى ءوندىرۋ.
بيىل اقپان ايىندا «قازاقستان ينجينيرينگ» RD ورتالىعى» ج ش س ءوز ونىمدەرىن ۇلتتىق قورعانىس ۋنيۆەرسيتەتىندە وتكەن كورمەدە ۇسىندى. بۇل ونىمدەر اراسىندا زاۋىتتىڭ تەحنولوگيالىق جاڭالىقتارى، سونىڭ ىشىندە «شاعالا- م»، «Jetisu» كوپفۋنكتسيونالدى اۆتونومدى پيلوتسىز جەر ءۇستى اپپاراتى، «قاراكۋس» كۆادروكوپتەرى جانە باسقا دا ءونىم تۇرلەرى بولدى.
بۇدان بولەك، «سەمەي ينجينيرينگ» ا ق 1976 -جىلى قۇرىلعان جانە ونىڭ قىزمەتى - بروندى ماشينالارعا تەحنيكالىق قىزمەت كورسەتۋ، جوندەۋ جانە جاڭارتۋ. باستاپقىدا ءوندىرىس برونەترانسپورتەردى جوندەۋدەن باستالعان. سودان كەيىن زاۋىت تانكتەردى، جاياۋ اسكەرلەردىڭ جاۋىنگەرلىك ماشينالارىن، وزدىگىنەن جۇرەتىن ارتيللەريالىق قوندىرعىلاردى جوندەۋدى قامتىدى.
2011 -جىلى «سەمەي ينجينيرينگ» ا ق كاسىپورنى ت-72 تانكىسىنىڭ جانە ونىڭ موديفيكاتسياسىنىڭ كۇردەلى جوندەۋىن يگەردى.
استانادا «ەۋروكوپتەر قازاقستان ينجينيرينگ» زاۋىتى بار. كاسىپورىندى «قازاقستان ينجينيرينگ» ۇلتتىق كومپانياسى» ا ق مەن «ەۋروكوپتەر» فرانسۋز كاسىپورنى بىرلەسىپ قۇرعان. اتاپ ايتقاندا، وسى زاۋىتتان شىققان تىكۇشاقتار قورعانىس سالاسىندا اسكەريلەردى تاسىمالداۋ جۇمىستارىنا جۇمىلدىرىلادى. ال توتەنشە جاعدايلار سالاسىنداعى تىكۇشاقتار مەديتسينا، اپاتتىق- قۇتقارۋ، ءورت ءسوندىرۋ شارالارىنا ارنالعان.
كومپانيا H125, H130, EC145 جانە H145 تىكۇشاقتارىن ساتۋعا، قۇراستىرۋعا ءارى تەحنيكالىق قىزمەت كورسەتۋگە ماماندانعان، سونداي- اق تىكۇشاقتارعا ەكيپاجداردى وقىتۋمەن اينالىسادى.
قازىرگى كەزدە «زەنيت» ورال زاۋىتى» ا ق ەلىمىزدىڭ تەڭىز شەكاراسىن قورعايتىن قايىقتار مەن كەمەلەر شىعارۋعا باعىتتالعان جانە ولارعا تەحنيكالىق قىزمەت كورسەتۋ، جوندەۋ جانە جاڭعىرتۋ جۇمىستارىن اتقارىپ جاتىر.
«سۇڭقار» جوباسىنىڭ بارلىق كاتەرلەرىندە جاڭارتۋ جۇمىستارى جۇرگىزىلگەن. قازىرگى ۋاقىتتا ولار كاسپي تەڭىزىندە پايدالانىلىپ كەلەدى.
«بۋركىت» جوباسىنىڭ كاتەرلەرى 1997 -جىلدان 2006 -جىل ارالىعىندا جاسالعان.
«بارس» جوباسىنىڭ كەمەلەرى 2006 -جىلدان باستاپ شىعارىلدى. زاۋىت جاساعان وسى جوبانىڭ بارلىق كەمەلەرى قازاقستان تەڭىز شەكاراسىن كۇزەتۋ بويىنشا كاسپي تەڭىزىندە ءجۇر. 2016 -جىلدان باستاپ قارۋ- جاراق بولىگىندە جاڭارتىلعان كەمەنىڭ ءتۇرى جەتكىزىلىپ جاتىر.
«قازاقستان اۆياتسيالىق يندۋسترياسى» ج ش س قىزمەتىنە توقتالساق، كاسىپورىندا اۋە كولىگى مەن ۇشقىشسىز اپپاراتتاردى جوندەۋمەن اينالىسادى. وندا اۆياتسيا سالاسىندا جاڭا مۇمكىندىكتەردى قامتاماسىز ەتۋ ءۇشىن ۇشقىشسىز ۇشۋ اپپاراتتارىن قۇراستىرۋ جانە ولارعا تەحنيكالىق قىزمەت كورسەتۋ باعىتتارى قامتىلعان.
سونىمەن قاتار، «قازتەحنولوگيا» ا ق - قازاقستان رەسپۋبليكاسىندا شىعارىلعان وق- دارىلەردى كادەگە جاراتۋ جانە وڭدەۋمەن اينالىساتىن جالعىز كاسىپورىن. ونىڭ نەگىزگى قىزمەتى - قولدانىستان شىعىرىلعان وق- دارىلەردى جويۋ جانە وڭدەۋ. زاۋىت الەۋەتتى سەرىكتەستەرمەن بىرلەسىپ بۇل سالادا جوندەۋ جۇمىستارىن ىسكە اسىرۋدى جوسپارلاپ وتىر.
مۇنىمەن قوسا، 2013 -جىلى استانادا ت م د اۋماعىندا تەڭدەسى جوق «قازاقستان Aselsan ينجينيرينگ» قازاق- تۇرىك بىرلەسكەن زاۋىتى اشىلدى. ەلەكتروندى- وپتيكالىق قۇرىلعىلار شىعاراتىن بۇل ءوندىرىستىڭ ونىمدەرى بۇگىندە جوعارى سۇرانىسقا يە.
كومپانيا كەيىنگى جىلدارى سيفرلىق راديوستانتسيالار مەن باسقا دا بايلانىس جابدىقتارىن شىعارۋدى مەڭگەرگەن. قازاقستانداعى يننوۆاتسيالىق تەحنولوگيالار سالاسىندا ىلگەرىلەۋ جانە مامانداردىڭ كاسىبي دەڭگەيىن كوتەرۋ ماقساتىندا زاۋىت اسكەري جانە ازاماتتىق ونەركاسىپتەگى تۇتىنۋشىلار ءۇشىن راديوستانتسيالار مەن بايلانىس قۇرالدارىن شىعارۋدى ىسكە قوستى.
