قازاقستاندا التىننىڭ قورى نەبارى 20 مىڭ توننادان اسپايدى

استانا. KAZINFORM - ەلىمىزدە جىل سايىن وندىرىلەتىن التىننىڭ كولەمى بەلگىلى بولدى.

«قازىر ەلىمىزدە 2300 توننا التىن قورى بار. بۇل - گەولوگيالىق زاپاس. قازاقستاندا جىلىنا 90 توننا التىن وندىرىلەدى. جالپى 20-25 جىلعا جەتەتىن التىن قورى بار. ءبىزدىڭ بولجام بويىنشا ەلىمىزدە التىننىڭ قورى 20 مىڭ تونناعا جەتەدى. بۇل دەگەنىمىز بۇگىندە بارلاۋ جۇمىستارى ءبىتىپ، وڭدەلىپ جاتقان التىن قورى»، - دەدى ونەركاسىپ جانە قۇرىلىس مينيسترلىگى گەولوگيا كوميتەتىنىڭ ءتوراعاسى ەرلان اقباروۆ و ق ك- دە وتكەن بريفينگى بارىسىندا ساۋالعا جاۋاپ بەرە تۇرىپ.

سونداي-اق، گەولوگيا كوميتەتى ءتوراعاسى ورىنباسارىنىڭ مىندەتىن اتقارۋشى قانات ەرۋبايەۆ التىندى بارلاۋ كەزىندە ونىڭ قورى قايتا تولىعاتىنىن ايتتى.

«جەكە جەر قويناۋىن پايدالانۋشىلار بارلاۋ كەزىندە التىننىڭ قورى ۇنەمى تولىقتىرىلىپ وتىراتىنىن اتاپ ءوتۋ قاجەت. ياعني، التىندى وندىرگەن كەزدە، سول ساتتە ونىڭ قورى جاڭارتىلادى»، - دەپ تولىقتىردى.

ايتا كەتسەك، بريفينگ بارىسىندا ەلىمىزدە گەولوگيالىق زەرتتەۋلەرگە جىلىنا قانشا قارجى بولىنەتىنى ايتىلدى.