قازاقستاندا التاي ەسىمدى 5 مىڭعا جۋىق ادام، تيان-شان اتتى 4، كاسپي ەسىمدى 14 ادام بار

استانا. KAZINFORM - ۇلتتىق ستاتيستيكا بيۋروسىنىڭ مالىمەتى بويىنشا ەلىمىزدە ايگىلى جەر- سۋ اتتارىن بالاسىنا قوياتىن جايتتار ءجيى كەزدەسەدى. Kazinform سولاردىڭ ىشىندەگى ەڭ تانىمال دەگەندەرىنە ءۇڭىلىپ كوردى.

ايتا كەتۋ كەرەك، بۇل جەردە جەر-سۋ اتاۋىنا قازاق حالقىنىڭ ەسىم قويۋداعى ەرەكشە ءداستۇرى - «بەك»، «باي»، «بول» قوسىمشالارى جالعانعان ەسىمدەر (ارالباي، التايبەك دەگەن سياقتى) مەن جەر-سۋ اتاۋىنىڭ ءبىر بولشەگىنە «بەك»، «باي»، «بول» قوسىمشالارىن جالعاۋ ارقىلى جاسالعان اتتار (سىرباي، ارقابەك سياقتى)، يدەولوگيا سارىنىمەن كەيىن جەر-سۋعا تەلىنگەن ەسىمدەر (جامبىل، اباي، سياقتى)، جەر-سۋ اتاۋىن عانا ءبىلدىرىپ قويمايتىن، باسقا دا ماعىناسى بار (شالقار، بەكەت، تورعاي دەگەن سياقتى) ومونيم اتاۋلار ەسەپكە الىنعان جوق. سونداي-اق جەر-سۋ اتتارىن ىرىكتەگەن كەزدە قانداي دا ءبىر وڭىرگە باسىمدىق بەرمەي، ەل اراسىندا ەڭ كوپ تاراعان جالقى اتاۋلارعا كوڭىل بولدىك.

سونىمەن Kazinform نۇسقاسى بويىنشا ادامعا ەڭ كوپ اتى بەرىلگەن ايگىلى توپونيميكالاردىڭ رەيتينگى مىنانداي:

التاي - 4957 ادام

جايىق - 645 ادام

ەسىل - 438 ادام

ارال - 275 ادام

تالاس - 263 ادام

ەرتىس - 164 ادام

بۋراباي - 78 ادام

الاتاۋ - 39 ادام

ماڭعىستاۋ - 38 ادام

بالقاش - 32 ادام

سەمەي - 27 ادام

استانا - 24 ادام

الماتى - 20 ادام

اتىراۋ - 15 ادام

كاسپي - 14 ادام

تاراز - 14 ادام

زايسان - 13 ادام

اقتاۋ - 11 ادام

تۇركىستان - 10 ادام

سىرداريا - 4 ادام

قارقارالى - 4 ادام

تيان-شان - 4 ادام

سارىارقا - 3 ادام

شىمكەنت - 3 ادام

قازىعۇرت - 3 ادام

ۇلىتاۋ - 2 ادام

قاراتاۋ - 2 ادام

وتپان - 2 ادام

اقمەشىت - 2 ادام

جەتىسۋ - 1 ادام

ىلە - 1 ادام

قاپشاعاي - 1 ادام

وسكەمەن - 1 ادام

مەككە - 58 ادام.

اۆتور

ەسىمجان ناقتىباي