قازاقستاندا ا ە س سالۋعا اقشا قايدان الىنادى

استانا. قازاقپارات - ۆيتسە-پرەمەر - ۇلتتىق ەكونوميكا مينيسترلىگىنىڭ باسشىسى نۇرلان بايبازاروۆتىڭ ايتۋىنشا، اتوم ەلەكتر ستانسياسىنا جوبالىق قارجىلاندىرۋ تەتىگى قاراستىرىلىپ جاتىر.

- ءبىز جوبالىق قارجىلاندىرۋ سحەماسىن قاراستىرىپ جاتىرمىز دەپ ايتقىم كەلەدى. مەملەكەتتىڭ قاتىسۋى جوبانىڭ تابىستى وتەلۋى ءۇشىن بەلگىلى ءبىر ەكونوميكالىق جاعدايلار جاساۋ ارقىلى عانا بولادى. بۇل كوممەرتسيالىق جوبا، ول ءوز جەمىسىن بەرۋى كەرەك. بۇل قارجى ينستيتۋتتارى كونسورتسيۋمىنىڭ قاتىسۋىمەن جوبالىق قارجىلاندىرۋ بولادى دەپ ۇمىتتەنەمىز. بارلىعى جوبانى بىرلەسىپ قارجىلاندىرادى، - دەيدى بايبازاروۆ.

ونىڭ ايتۋىنشا، كەلىسىمشارتتا تولىعىمەن ستانتسيانى تاپسىرۋ مىندەتى جازىلادى. تاراپتاردىڭ بارلىق مىندەتتەمەسى مەن قۇقىعى وندا ناقتى جازىلادى.

- تاۋەكەلدەردى بارىنشا ازايتامىز دەپ ۇمىتتەنەمىز. بۇل ۇزاق مەرزىمدى جوبا، ءبىراق ءبىز بۇل ماسەلەنى كەشىكتىرمەۋگە تىرىسامىز. الەمدە بەلگىلى ءبىر تاجىريبە بار: ا ە س قۇنى قالاي قالىپتاسادى، قانداي فاكتورلار اسەر ەتەدى. مۇنىڭ ءبارىن ەگجەي-تەگجەيلى ايتىپ، تالقىلايمىز، - دەدى مينيستر.

ۇكىمەت شورت-ليسى

ۇكىمەت ا ە س سالۋ ماسەلەسىندە 4 ەل - كورەيا، رەسەي، قىتاي، فرانسيا ەلدەرىنىڭ تەحنولوگيالارىن زەردەلەپ جاتقانىن حابارلاعان.

توقايەۆ نە دەيدى

رەفەرەندۋمدا داۋىس بەرگەن كەزىندە ەل پرەزيدەنتى «ا ە س-تى قاي ەل سالادى» دەگەن سۇراققا ۇكىمەت ماسەلە بويىنشا ناقتى تالداۋ جاساپ، كەلىسسوزدەر جۇرگىزۋ كەرەك ەكەنىن اتاپ وتكەن.