قازاقستاندا 29-قاراشادا تەلەديدار مەن راديو جۇمىس ىستەمەيدى

استانا. KAZINFORM - ەلىمىزدە 29-قاراشا ەلىمىزدە تەلەديدار مەن راديو جۇمىس ىستەمەيدى.

قازاقستاندا جوسپارلى پروفيلاكتيكالىق جۇمىستاردى جۇرگىزۋ ءۇشىن سارسەنبى كۇنى تەلەارنالار مەن راديوستانسيالار حابار تاراتۋدى ۋاقىتشا توقتاتادى. بۇل تۋرالى «قازتەلەراديو» ۇلتتىق وپەراتورى حابارلادى.

«2024-جىلعى 29-قاراشادا ساعات 03:00 مەن 17:00 ارالىعىندا جەرسەرىكتىك، سيفرلىق جانە انالوگ ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى. وسىعان بايلانىستى، ياعني جۇمىستار جۇرگىزىلگەن كەزدە قازاقستاننىڭ بارلىق اۋماعىندا تەلەراديوارنالاردى رەترانسلياتسيالاۋ ۋاقىتشا توقتاتىلادى. ۋاقىتشا قولايسىزدىقتار ءۇشىن كەشىرىم سۇرايمىز!» - دەلىنگەن حابارلامادا.

«قازتەلەراديو» تەلەراديو حابارلارىن تاراتۋدى ۇزدىكسىز ءارى ساپالى بولۋىن قامتاماسىز ەتۋ ماقساتىندا توقسان سايىن جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى.

ەسكە سالايىق، بۇعان دەيىن مۇنداي پروفيلاكتيكالىق جۇمىس 30-قازاندا جۇرگىزىلگەن ەدى.