قازاقستاندا 17 مىڭنان استام كيىك مۇيىزى تاركىلەندى
استانا. KAZINFORM - كەيىنگى ەكى جىلدا قازاقستاندا قىلمىسكەرلەردەن 17 مىڭنان استام كيىك مۇيىزى مەن 500 كيىكتىڭ ەتى تاركىلەندى. بۇل تۋرالى سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ وتىرىسىندا نۇركەن شاربيەۆ ءمالىم ەتتى.
- قىلمىستىق زاڭنامانىڭ قاتاڭدىعىنا قاراماستان، براكونەرلىك ارەكەتتەر ءالى دە بار. سوڭعى ەكى جىلدا قىلمىسكەرلەردەن 17 مىڭنان استام اقبوكەن مۇيىزى مەن 500 دەن استام كيىك تاركىلەندى، - دەدى ن. شاربيەۆ.
ونىڭ ايتۋىنشا، قازاقستاندا كيىك سانى 2003-جىلعى 21 مىڭنان 2025-جىلى 5 ميلليونعا دەيىن جەتتى. جالپى، بۇگىندە جەر بەتىندەگى كيىك پوپۋلياتسياسىنىڭ 99 پايىزى قازاقستاندا اۋماعىندا جايىلىپ ءجۇر.
ايتا كەتەيىك، ەلىمىزدە كيىك ءمۇيىزىن زاڭدى تۇردە ەكسپورتتاۋعا رۇقسات بەرىلۋى مۇمكىن.
بۇدان بۇرىن حابارلانعانداي، ەلىمىزدە قار بارىسىنىڭ سانى ارتىپ كەلەدى.
سونىمەن قاتار، قازاقستاندا سيرەك كەزدەسەتىن جانۋارلار تىزىمىنە تاعى 11 ءتۇرى ەنگىزىلمەك.
