قازاقستاندا قانشا شەتەل ازاماتى جۇمىس ىستەيدى

استانا. قازاقپارات - 1-شىلدەدەگى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14820 شەتەل ازاماتى ەڭبەك ەتەدى. بۇل تۋرالى ەڭبەك مينيسترلىگى ءمالىم ەتتى.

иностранцы, турдовые мигранты
فوتو: ەڭبەك مينيسترلىگى

شەتەل جۇمىس كۇشىن (بۇدان ءارى - ش ج ك) تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 562 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 2340 رۇقسات (ەكىنشى سانات). تارتىلعان ش ج ك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە ولار 4060 جانە 1167 ادام. سونداي-اق ماۋسىمدىق جۇمىستارعا 2874 ادام، ال كورپوراتيۆتىك اۋىستىرۋ اياسىندا 3817 ادام تارتىلدى.

- قازىرگى ۋاقىتتا قازاقستاندا ش ج ك پايدالاناتىن 1882 جۇمىس بەرۋشى بار. ولاردا 352 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ %96 ى، - دەلىنگەن حابارالامادا.

ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا - 5160 ادام، اۋىل، ورمان جانە بالىق شارۋاشىلىعى - 2902 ادام، تاۋ-كەن ونەركاسىبى جانە كارەرلەردى قازۋ - 1347 ادام، وڭدەۋ ونەركاسىبى - 1178 ادام.

ەڭبەك ميگرانتتارى كەلەتىن نەگىزگى ەلدەر: قىتاي - 5463 ادام، وزبەكستان - 2477 ادام، ءۇندىستان - 1097 ادام، تۇركيا - 1071 ادام.

- ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيتىنىن جانە بولەتىنىن ەستەرىڭىزگە سالامىز. 2025 -جىلى جالپى كۆوتا رەسپۋبليكاداعى جۇمىس كۇشىنىڭ سانىنا 

قاتىستى %0,2 مولشەرىندە نەمەسە 14,8 مىڭ بىرلىك بولىپ بەلگىلەنگەن، ال وسى جىلدىڭ ناۋرىز ايىنان باستاپ جەرگىلىكتى اتقارۋشى ورگانداردىڭ وتىنىمدەرىنە بايلانىستى ءمينيستردىڭ بۇيرىعىمەن 16,5 مىڭ بىرلىككە دەيىن ۇلعايتىلدى، - دەپ جازدى ۆەدومستۆودان.

 

سوڭعى جاڭالىقتار