قازاقستان ۇ و ك وليمپياداعا ارناپ ۇلتتىق ناقىشتاعى كادەسىيلار دايىندادى

استانا. KAZINFORM - فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنىڭ باستالۋىنا بۇگىن تۋرا ون كۇن قالدى. اتالعان ءتورتجىلدىق باستى دوداعا قازاقستان قۇراماسى 25 سپورت تۇرىنەن 80 جولداما جەڭىپ الدى.

وسىعان وراي ق ر ۇلتتىق وليمپيادالىق كوميتەتى پاريجدەگى وليمپيادا ويىندارىنا ارناپ ەلىمىزدىڭ مادەني ەرەكشەلىكتەرىن ايشىقتايتىن بەلگىشەلەر دايىندادى. دايىندالعان ءاربىر بۇيىمدار قازاقتىڭ ۇلتتىق ويۋ-ورنەكتەرىمەن بەزەندىرىلگەن.

ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر.

قازاقستان قۇراماسى وليمپيادا ويىندارىنا سپورتتىڭ 25 تۇرىنەن 80 جولداما جەڭىپ الدى.

ناقتىراق ايتساق، ولار بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.

فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىنا بەلگىلەنگەن.

ويىنعا الەمنىڭ 205 ەلىنەن 10500 سپورتشى قاتىسادى.

وندا 32 سپورت تۇرىنەن 329 مەدال جيىنتىعى ساراپقا سالىنادى.

اۆتور كۇنسۇلتان وتارباي