قازاقستان تاەكۆوندو فەدەراتسياسى ەكى جاتتىقتىرۋشىنى جارىستان شەتتەتتى

قازاقستان تاەكۆوندو فەدەراتسياسى استانادا وتكەن كونفەرەنسيا وتىرىسىندا ءتارتىپ پەن جارىس ەرەجەسىن بۇزعان ەكى جاتتىقتىرۋشىنى جارىستان شەتتەتتى، دەپ حابارلايدى Kazinform.

فەدەراتسيا ءمالىم ەتكەندەي، ونىڭ ءبىرى - الماتى قالاسىنىڭ جاتتىقتىرۋشىسى تولەگەن تىلەۋمۇراتوۆ.

ول تورەشىلەر مەن جاتتىقتىرۋشىلارعا، جارىستى ۇيىمداستىرۋشىلار مەن وزگە دە تۇلعالارعا قۇرمەتسىزدىك كورسەتىپ، سپورتتىق ەتيكانى ورەسكەل بۇزعانى ءۇشىن ەكى جىلعا جارىستاردان شەتتەتىلدى.

ال جارىستان شەتتەتىلگەن ەكىنشى تورەشى - استانالىق باپكەر ساپارالى ابدىراشيەۆ. ول تۇركىستان قالاسىندا وتكەن رەسپۋبليكالىق تۋرنيردى ۇيىمداستىرۋ بارىسىندا سپورتقا، تورەشىلەرگە جانە ۇيىمداستىرۋشىلارعا ادەپسىزدىك تانىتقان. سول سەبەپتى ابدىراشيەۆ تە ەكى جىلعا جارىستاردان الاستاتىلدى.

بۇل رەتتە قازاقستان تاەكۆوندو (WT) فەدەراتسياسى جەكەلەگەن سپورتشىلاردىڭ، جاتتىقتىرۋشىلاردىڭ جانە تاەكۆوندونىڭ باسقا دا ماماندارىنىڭ قوعامعا جات مىنەز-قۇلىق تانىتۋلارىنا جول بەرمەيتىنىن اتاپ ءوتتى.

اۆتوركۇنسۇلتان وتارباي