قازاقستان سپورتشىلارى ستەند اتۋدان ازيا كۋبوگىندە التى التىن مەدال الدى

  استانا. KAZINFORM - الماتى وبلىسىندا ءوتىپ جاتقان ستەند اتۋدان ازيا كۋبوگى ءوز مارەسىنە جەتتى. بۇل تۋرالى ۇلتتىق وليمپيادالىق كوميتەت مالىمدەدى.

دودادا قازاقستان كومانداسى التى التىن جانە بەس قولا مەدال ەنشىلەدى. ونىڭ ىشىندە اسەم ورىنباي، ەدۋارد ەشەنكو، نيكيتا مويسەيەۆ (جاسوسپىرىمدەر اراسىندا) ، سونىمەن بىرگە ايەلدەر، ەرلەر جانە ارالاس كوماندالار (سكيت) توپ جاردى.

ال كۇمىس جۇلدەنى اليشەر ايسالبايەۆ، تراپ جانە دۋبل- تراپتان ەرلەر كومانداسى جەڭىپ الدى.

ءۇشىنشى ورىنعا مارك پوچيۆالوۆ (تراپ)، داۆيد پوچيۆالوۆ (سكيت)، ايجان دوسماعامبەتوۆا، ۆلادلەن كاليمۋلين جانە ايەلدەر كومانداسى (تراپ) تابان تىرەدى.

ستەند اتۋدان الماتى وبلىسىندا وتكەن ازيا كۋبوگىندە قازاقستاندىق مەرگەندەر تاعى بەس التىن جەڭىپ العان بولاتىن. «سكيت» باعدارلاماسى بويىنشا قازاقستان كومانداسى 5 التىن، 1 كۇمىس جانە 2 قولا مەدال ەنشىلەدى.