قازاقستان قىتايعا تازارتىلماعان كۇنباعىس مايىن جەتكىزەدى
استانا. KAZINFORM - دايىن ءونىمدى ساتىپ الۋشى ق ح ر استىق رەزەرۆتەرىن قالىپتاستىرۋعا جاۋاپتى Sinograin مەملەكەتتىك كومپانياسىنىڭ تاپسىرىسى بويىنشا قىتايلىق CITIS Construction Co Ltd. كورپوراتسياسى بولماق. بۇل تۋرالى ا ش م ءمالىم ەتتى.
ۋاعدالاستىق قازاقستاندىق كاسىپورىن بازاسىندا كۇنباعىس تۇقىمىن قايتا وڭدەۋدى جانە ودان ءارى اسپان استى ەلىنە ماي جىبەرۋدى كوزدەيدى.
جەتكىزۋ وتكەن جىلى ازىق-تۇلىك كەلىسىمشارت كورپوراتسياسى فەرمەرلەر مەن وڭدەۋشىلەردى مەملەكەتتىك قولداۋ قۇرالى رەتىندە ىسكە قوسقان اۋىل شارۋاشىلىعى ونىمدەرىنىڭ ەكسپورتتىق پارتيالارىن شوعىرلاندىرۋ باعدارلاماسى شەڭبەرىندە جۇزەگە اسىرىلادى. ونىڭ ءمانى: وپەراتور ءار ءتۇرلى جەتكىزۋشىلەردەن شاعىن كولەمدى ءونىمدى تولىققاندى ەكسپورتتىق پارتيالارعا بىرىكتىرەدى جانە شەتەلدىك تۇتىنۋشىلارعا جونەلتۋدى قامتاماسىز ەتەدى. بۇل رەتتە كورپوراتسيا تاسىمالداۋدى تولىق سۇيەمەلدەيدى. 2024-جىلى شوعىرلاندىرۋ جوباسى بويىنشا قىتاي مەن ورتالىق ازياعا جالپى قۇنى 20 ميلليون دوللاردى قۇرايتىن ءداندى جانە مايلى داقىلداردى جەتكىزۋگە 6 ەكسپورتتىق كەلىسىمشارت جاسالدى. بيىلعى جىلى ازىق-تۇلىك كەلىسىمشارت كورپوراتسياسى جۇمىسىن جالعاستىردى، سونىڭ ناتيجەسىندە ق ح ر- نا قازاقستاندىق ءوندىرىستىڭ 1,6 مىڭ توننا جەمدىك ۇن جونەلتىلدى.
دايىن قازاقستاندىق ءونىمنىڭ شەتەلدىك نارىقتارعا شىعۋىنا سالالىق مينيسترلىكتىڭ، ازىق-تۇلىك كەلىسىمشارت كورپوراتسياسىنىڭ جانە حالىقارالىق ارىپتەستەردىڭ بىرلەسكەن كۇش-جىگەرى ىقپال ەتەدى. كەلىسىمشارت استانا مەن بەيجىڭدە اگروبيزنەستىڭ قاتىسۋىمەن وتكەن ەكىجاقتى كەزدەسۋلەر ناتيجەلەرىنىڭ ءبىرى بولدى. قىتايلىق ينۆەستورلارمەن جانە بەيىندى كومپانيالارمەن بەلسەندى ديالوگتى ازىق-تۇلىك كەلىسىمشارت كورپوراتسياسىنىڭ ق ح ر- داعى وكىلدىگى تۇراقتى نەگىزدە جۇرگىزەدى.
بۇگىنەدە قازاقستاننىڭ اگرارلىق ساياساتىنىڭ باستى باعىتى تەرەڭ وڭدەۋگە بەت بۇرۋدا. شوعىرلاندىرۋ باعدارلاماسى جانە ءۇشجاقتى فورۆاردتىق ساتىپ الۋ سياقتى جوبالاردىڭ كومەگىمەن كورپوراتسيا وتاندىق وندىرۋشىلەرگە سىرتقى نارىقتارعا شىعۋعا كومەكتەسەدى، سونداي-اق وڭىرلەردە قايتا وڭدەۋ قۋاتتارىن جۇكتەۋدى ىنتالاندىرادى. بۇل ەل ىشىندە قوسىمشا قۇن قۇرۋعا جانە شاعىن جانە ورتا فەرمەرلەرگە قولداۋ كورسەتۋگە مۇمكىندىك بەرەدى.
ەسكە سالا كەتەيىك، بۇعان دەيىن 8,7 ميلليون توننا ءداندى داقىل ەكسپورتتالعانىن جازعان ەدىك.
