قازاقستان مەن وزبەكستان حالىقارالىق جۇك تاسىمالىن رەتتەۋدىڭ ونلاين جۇيەسىن ەنگىزدى
تاشكەنت. KAZINFORM - قازاقستان مەن وزبەكستان حالىقارالىق جۇك تاسىمالىنا بەرىلەتىن رۇقسات قۇجاتتارىن الماسۋدىڭ ەلەكتروندىق جۇيەسىن ەنگىزدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
وزبەكستان كولىك مينيسترلىگىنىڭ مالىمەتىنشە، ەلدەر اراسىنداعى جۇك تاسىمالى پروتسەسىن وڭتايلاندىرۋ ماقساتىندا رۇقسات بلانكىلەرىمەن الماساتىن «e- Permit» ەلەكتروندىق جۇيەسى ىسكە قوسىلدى.
«e- Permit» جۇيەسىن قولدانۋ ارقىلى العاش رەت كۆوتالارمەن الماسۋ پروتسەسى جۇزەگە اسىپ، جۇك كولىكتەرى «ياللاما» كەدەن بەكەتىنەن ءوتتى. بۇل جۇيەنى «تسيفرلىق كولىك» ورتالىعىنىڭ ماماندارى پيلوتتىق رەجيمدە ءساتتى ىسكە قوستى»، - دەپ ءمالىم ەتتى ءور كولىك مينيسترلىگىنەن.
سونداي-اق ۆەدومستۆو ەكى ەل اراسىنداعى جۇك تاسىمالىنا قولايلى جاعداي جاساۋ ءۇشىن الداعى ۋاقىتتا دا زاماناۋي سيفرلىق تەحنولوگيالاردى كەڭىنەن ەنگىزۋگە ەرەكشە كوڭىل بولىنەتىنىن اتاپ ءوتتى.
