قازاقستان مەن قىتاي تۋريزم سالاسىنداعى ىنتىماقتاستىقتى نىعايتادى
استانا. قازاقپارات - قازاقستان بەيجىڭدەگى (قىتاي) حالىقارالىق China Outbound Travel - Tourism تۋريستىك كورمەسىنە قاتىسىپ جاتىر، دەپ حابارلايدى BAQ. KZ.
كورمەدەگى قازاقستان ستەندى ق ر تۋريزم جانە سپورت مينيسترلىگىنىڭ تاپسىرىسى بويىنشا Kazakh Tourism ۇ ك ا ق جانە الماتى وبلىسى تۋريزم باسقارماسى قازاقستاننىڭ ق ح ر-داعى ەلشىلىگىنىڭ قولداۋىمەن ۇيىمداستىرۋدا.
ۇلتتىق ستەندتە قازاقستاننىڭ تۋريزم الەۋەتىن 21 تۋريستىك سالا وكىلى تانىستىرادى. ولاردىڭ قاتارىندا 12 تۋروپەراتور، 7 قوناق ءۇي جانە دەمالىس ورىندارى بار. قازاقستان الەۋەتى زور تۋريستىك باعىت رەتىندە حالىقارالىق تانىمالدىلىققا يە بولىپ كەلەدى. ەلىمىزدىڭ تۋريستىك مۇمكىندىكتەرى China Media Group ،Dragon Trail جانە باسقا دا جەتەكشى حالىقارالىق پلاتفورمالاردا جاھاندىق اۋديتوريانىڭ نازارىن اۋدارۋدا.
قىتاي قازاقستان ءۇشىن نەگىزگى تۋريستىك ماقساتتى نارىقتاردىڭ ءبىرى سانالادى. بىلتىر قاراشادا قازاقستان مەن قىتاي ازاماتتارى ءۇشىن 30 كۇنتىزبەلىك كۇنگە دەيىن ءوزارا ۆيزاسىز رەجيم ەنگىزىلسە، بيىلدان باستاپ قازاقستان مەن قىتاي اراسىنداعى رەيستەر سانى ارتتى. قازىرگى تاڭدا قازاقستان - قىتاي باعىتى بويىنشا اپتاسىنا 44 رەيس ورىندالادى.
eQonaq جۇيەسىنىڭ دەرەكتەرى بويىنشا، بيىلعى 10 ايدا قازاقستانعا ق ح ر-دان 122 مىڭنان استام تۋريست كەلگەن. بۇل 2023 -جىلمەن سالىستىرعاندا %64 كوپ. بىلتىرعى 10 ايدا ەلىمىزدە 78515 قىتايلىق تۋريست ساياحاتتاعان.
كورمە اياسىندا Outbound Tourism Investment - Development Forum ءىس-شاراسىندا قازاقستاننىڭ ينۆەستيتسيالىق الەۋەتىن تانىستىرۋ جوسپارلانعان.
