قازاقستان مەن قىتاي اراسىندا 75 ميلليون ا ق ش دوللارىنا ەت ەكسپورتى بويىنشا كەلىسىمگە قول قويىلدى
استانا. KAZINFORM - ا ش م الاڭىندا 75 ميلليون ا ق ش دوللارىنا ەت ەكسپورتى بويىنشا كەلىسىمدەرگە قول قويىلدى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.
اۋىل شارۋاشىلىعى مينيسترلىگى مەملەكەت باسشىسىنىڭ ەكسپورتتى ۇلعايتۋ جونىندەگى تاپسىرماسى جانە ق ح ر مەن ق ر اراسىندا قول قويىلعان ۆەتەرينارلىق تالاپتار جونىندەگى حاتتاما شەڭبەرىندە جۇمىسىن جالعاستىرىپ وتىر. وسىعان بايلانىستى بۇگىن ۆەدومستۆودا اۋىل شارۋاشىلىعى ءمينيسترى ايداربەك ساپاروۆ قىتايلىق CITIC Construction جانە Beijing Capital Agro كومپانيالارىنىڭ باسشىلىعىمەن كەزدەستى.
مينيستر اۋىل شارۋاشىلىعى سالاسىنداعى قازاقستان- قىتاي سەرىكتەستىگىنىڭ ماڭىزدىلىعىن اتاپ ءوتتى. قىتاي اۋىل شارۋاشىلىعى سالاسىنداعى ءبىزدىڭ ءىرى ساۋدا سەرىكتەستەرىمىزدىڭ ۇشتىگىنە كىرەدى. 2023 -جىلى ق ر مەن ق ح ر اراسىنداعى ا و ك ونىمدەرىنىڭ تاۋار اينالىمى 1,3 ميلليارد ا ق ش دوللارىن قۇرادى، بۇل 2022 -جىلمەن سالىستىرعاندا %67 عا ارتىق. ق ح ر- عا اۋىل شارۋاشىلىعى ونىمدەرىن ەكسپورتتاۋ كولەمى 2 ەسەگە ءوسىپ، 1 ميلليارد ا ق ش دوللارىنا جەتتى.
«قىتايعا ەكسپورتتىڭ نەگىزگى كولەمى ءداندى جانە مايلى داقىلدارعا، ءتۇرلى مايلارعا تيەسىلى، ءبىراق ءبىز مال شارۋاشىلىعى ونىمدەرى ەسەبىنەن ەكسپورت كولەمىن ۇلعايتۋ ءۇشىن ۇلكەن الەۋەتتى كورىپ وتىرمىز»، - دەپ اتاپ ءوتتى مينيستر.
ايداربەك ساپاروۆ قازاقستاندا ەكسپورتتىق الەۋەتتى ءتيىمدى پايدالانۋ جانە دامىتۋ، ەكولوگيالىق تازا ءونىم ءوندىرۋ، جەم- ءشوپ ءوندىرىسى ءۇشىن بارلىق جاعداي جاسالعانىن اتاپ ءوتتى.
بيىل پرەزيدەنتتىڭ تاپسىرماسى بويىنشا ەگىس القاپتارىن ءارتاراپتاندىرۋ جۇمىستارى كۇشەيتىلدى، جەمشوپ داقىلدارىنىڭ القابى 314 مىڭ گەكتارعا ۇلعايتىلدى. بۇل ءۇردىس مال شارۋاشىلىعىنىڭ بارلىق تۇرلەرىنىڭ، ونىڭ ىشىندە قۇس شارۋاشىلىعىنىڭ، ءسۇتتى جانە ەتتى مال شارۋاشىلىعىنىڭ دامۋىنا ىقپال ەتەدى.
2024 -جىلدىڭ اقپانىندا ق ح ر ۇكىمەتى قازاقستاننىڭ وڭتۇستىك- شىعىس وڭىرلەرىنەن ەت ونىمدەرىن ەكسپورتتاۋ بويىنشا شەكتەۋلەردى الىپ تاستادى. بۇل جوعارى ساپالى ازىق- تۇلىك ونىمدەرىنىڭ ەكسپورتىن جاڭعىرتۋعا مۇمكىندىك بەردى - سيىر ەتىنىڭ ءبىرىنشى پارتياسى ماۋسىم ايىندا ق ح ر- عا ەكسپورتتالدى. بۇگىن 75 ميلليون ا ق ش دوللارى سوماسىنا ءۇش جاڭا شارتقا قول قويىلادى.
«ق ح ر ءتوراعاسى شي جينپيڭنىڭ قازاقستانعا مەملەكەتتىك ساپارى اياسىندا ءبىزدىڭ مينيسترلىك پەن ق ح ر گ ت ق اراسىندا ءىرى قارا مالدى ەكسپورتتاۋعا ارنالعان ۆەتەرينارلىق تالاپتاردى كەلىسۋ جونىندەگى حاتتاماعا قول قويىلدى. ەكسپورتتالاتىن ءونىم نومەنكلاتۋراسىن ۇلعايتۋ بويىنشا جۇمىس جۇرگىزىلۋدە. ا و ك ونىمدەرىنىڭ تاعى 10 ءتۇرى ازىرلەنۋدە. ءبىز ا و ك سالاسىنداعى بىرلەسكەن ينۆەستيتسيالىق جوبالاردى جۇزەگە اسىرۋعا جانە ىنتىماقتاستىققا اشىقپىز. ونىڭ ۇستىنە بۇل باعىتتا وڭ تاجىريبە بار: مايلى داقىلداردى قايتا وڭدەۋ، قۇرعاق ءسۇت وندىرەتىن كاسىپورىندار جۇمىس ىستەيدى، بيدايدى، جۇگەرىنى تەرەڭ قايتا وڭدەۋ زاۋىتتارىن، مال شارۋاشىلىعى كەشەنىن سالۋ جوسپارلانعان»، - دەدى مينيستر.
ءوز كەزەگىندە قىتايلىق كومپانيالاردىڭ وكىلدەرى قازاقستانمەن سيىر ەتى مەن ءتىرى مال ساتىپ الۋ تۇرعىسىنان ۇزاق مەرزىمدى ىنتىماقتاستىققا قىزىعۋشىلىق تانىتتى.
Beijing Capital Agro كومپانياسى 2030 -جىلعا دەيىن ەتتى مال شارۋاشىلىعى سالاسىنا 600 ميلليون دوللاردان استام ينۆەستيتسيا سالۋعا نيەتتى. جوبا اياسىندا بورداقىلاۋ الاڭدارى قۇرىلادى، 600 دەن استام فەرمەرلىك شارۋاشىلىق پەن جۇمىس ىستەپ تۇرعان بورداقىلاۋ الاڭدارى ىسكەرلىك ارىپتەستىككە تارتىلادى.
3500 دەن استام جۇمىس ورنى قۇرىلادى دەپ كۇتىلۋدە.
كەزدەسۋ قورىتىندىسى بويىنشا «Meat processing and Servis company» ،Agro Silk Way، «استانا اگرو پرودۋكت» ج ش س ق ح ر كومپانيالارىمەن ەت ەكسپورتىنا، سونداي- اق ءتىرى مال جەتكىزۋگە ءۇش كەلىسىمشارتقا قول قويدى.
