قازاقستان مەن ماروككو اراسىندا ۆيزاسىز رەجيم ەنگىزىلمەك
استانا. KAZINFORM - قازاقستان مەن ماروككو كورولدىگى اراسىندا ۆيزاسىز رەجيم ەنگىزىلمەك.
ەكى ەل ۇكىمەتتەرىنىڭ ۇلتتىق جانە جالپىازاماتتىق پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىم جوباسى اشىق نورماتيۆتىك-قۇقىقتىق اكتىلەر پورتالىندا جاريالاندى.
قازاقستان اتىنان پرەمەر- ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ راسىمدەيتىن كەلىسىم دوستىق قارىم-قاتىناستى نىعايتۋ جانە ەكى مەملەكەت اراسىنداعى تۋريزم سالاسىنداعى ىنتىماقتاستىقتى دامىتۋ ماقساتىندا ازىرلەنگەن.
بۇل رەتتە ءبىر تاراپ مەملەكەتىنىڭ ازاماتتارى جارامدى جالپى ۇلتتىق جانە جالپى ازاماتتىق پاسپورت نەگىزىندە ەكىنشى تاراپ مەملەكەتىنىڭ اۋماعىنا كەلۋ، كەتۋ، ترانزيتپەن ءوتۋ، ۋاقىتشا ءجۇرىپ-تۇرۋ ءۇشىن ۆيزا تالاپتارىنان بوساتىلادى.
بۇل جاعدايدا ءاربىر كەلىپ-كەتۋ كەزەڭىنىڭ ۇزاقتىعى ولار كەلگەن كۇننەن باستاپ 180 كۇن ىشىندە كۇنتىزبەلىك 30 كۇننەن اسپاۋى ءتيىس.
بۇل رەتتە اتالعان مەرزىمنەن ۇزاق ۋاقىتقا كەلەتىن ازاماتتار ديپلوماتيالىق وكىلدىكتەن نەمەسە كونسۋلدىق مەكەمەلەرىنەن ءتيىستى ۆيزانى الۋى قاجەت بولادى.
كەلىسىم 25-ماۋسىمعا دەيىن قوعامدىق تالقىعا شىعارىلىپ وتىر.
