قازاقستان ەكونوميكاسى 6 ايدا 6,2 پايىز ءوسىم كورسەتتى - ۇكىمەت وتىرىسى

استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ۇكىمەت وتىرىسىندا جىلدىڭ 6 ايىندا ەل ەكونوميكاسى 6,2 پايىز ءوسىم كورسەتكەنىن ءمالىم ەتتى.

- قاڭتار-ماۋسىم ايلارىنىڭ قورىتىندىسى بويىنشا ەكونوميكانىڭ ءوسۋى %6,2 عا جەتتى، العاشقى بەس ايمەن سالىستىرعاندا 0,2 پايىزدىق تارماققا جەدەلدەدى. بۇل وتكەن جىلدىڭ سايكەس كەزەڭىندەگى قارقىننان جوعارى جانە سوڭعى 12 جىلداعى ج ءى ءو ءوسۋىنىڭ ەڭ جوعارى كورسەتكىشى، - دەدى ول.

ونىڭ سوزىنشە ناقتى سەكتورداعى ءوسىم %8 بولىپ، قىزمەتتەر ءوندىرىسى %5,2 وسكەن.

- نەگىزگى درايۆەرلەر - كولىك جانە قۇرىلىس سالالارى. ساۋدا جاندانىپ، تاۋ- كەن ونەركاسىبى %8,4، وڭدەۋ سەكتورى %5,5، اۋىل شارۋاشىلىعى %3,7 ءوسىپ وتىر، - دەدى سەرىك جۇمانعارين.

بۇعان دەيىنگى رەسمي دەرەكتەردە 2025 -جىلدىڭ 4 ايىندا قازاقستاننىڭ جالپى ىشكى ءونىمى %6 ءوسىم كورسەتكەنى ايتىلعان ەدى. بۇل كورسەتكىش قاڭتار- ناۋرىزداعى (%5,6) وسىمنەن جوعارى جانە وتكەن جىلدىڭ سايكەس كەزەڭىمەن سالىستىرعاندا (%3,4) ەكى ەسە جۋىق ارتتى.