كوشپەندىلەر ويىندارى: اقتوبەلىك پوليتسەيلەر تۇرىك ساياحاتشىلارىن قوستانايعا شىعارىپ سالدى

اقتوبە. KAZINFORM - اقتوبەلىك پوليتسيا قىزمەتكەرلەرى تۇركيانىڭ انكارا قالاسىنان ەلىمىزدىڭ استاناسىندا وتەتىن بەسىنشى دۇنيەجۇزىلىك كوشپەندىلەر ويىندارىنا كەلە جاتقان ساياحاتشىلاردى قوستاناي وبلىسىنىڭ تەرريتورياسىنا دەيىن شىعارىپ سالدى. تۇرىك ساياحاتشىلار اقتوبە وبلىسىنىڭ اۋماعىنا كەشە كەلىپ، جول بويى بىرنەشە اۋدانعا ايالدادى.

تۇركيا ەلىنىڭ ساياحاتشىلارى كەشە بايعانين، تەمىر اۋداندارىنا ايالداپ، بۇگىن اقتوبە قالاسىندا ۇلتتىق دامنەن ءدام تاتتى. ولاردىڭ قاۋىپسىزدىگى ءۇشىن پوليتسيا ىلەسىپ ءجۇردى.

- بۇگىن اقتوبە قالاسىنىڭ پاترۋلدىك پوليتسيا قىزمەتكەرلەرى ۇزاق ۋاقىتتان بەرى كولىك رۋلىندە كەلە جاتقان تۇركيالىق ساياحاتشىداردى تراسسادا كۇتىپ الىپ، جۇرگىزۋشى مەن جولاۋشىلاردىڭ جاي-كۇيىن ءبىلدى. ساياحاتشىلار الىس ساپارىنىڭ قاۋىپسىز جانە ءساتتى بولىپ جاتقانىن، جاقسى كوڭىل-كۇيدە ەكەنىن جەتكىزدى. بۋراكتىڭ زايىبى مەن كىشكەنتاي بالاسى دا قۇقىق قورعاۋشىلارمەن جىلى شىرايلى جۇزدەستى. ءتارتىپ ساقشىلارى شەتەلدىك ساياحاتشىلارعا ءسات ساپار تىلەپ، قوستاناي وبلىسىنىڭ شەكاراسىنا دەيىن شىعارىپ سالدى، - دەپ حابارلادى اقتوبە وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

ەسكە سالساق، تەمىر اۋدانىنىڭ اكىمى سالامات امانبايەۆ تۇرىك ساياحاتشى- بلوگەرلەرى بۋراك دۋران جانە جۇبايى يديل دۋران جانە تۇرىك جۋرناليسى ەنەس يلدىريممەن كەزدەستى.

اۆتور
التىناي ساعىندىقوۆا