قازاقستان ءتوراعالىعى بارىنشا مازمۇندى ءارى قىزىقتى بولدى - جاڭ ميڭ
استانا. KAZINFORM - قازاقستان ش ى ۇ- عا ءتوراعالىق ەتكەن كەزىندە ءتۇرلى سالادا 140 تان استام ءىس-شارا ۇيىمداستىرىلدى.
بۇل تۋرالى ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمى ءسامميتىن قورىتىندىلاعان ۇيىم باس حاتشىسى جاڭ ميڭ ايتتى.
«2023-جىلدىڭ شىلدەسىنەن باستاپ ش ى ۇ- عا ءتوراعالىق قازاقستانعا ءوتتى. ءتوراعالىق ەتۋ كەزەڭىندە قازاقستاندىق تاراپ ءتۇرلى سالادا 140 تان استام ءىس-شارا ۇيىمداستىردى. ەكونوميكالىق، ينۆەستيتسيالىق، كولىكتىك، مادەني-گۋمانيتارلىق جانە ەكولوگيالىق اسپەكتىلەرگە باسا نازار اۋدارىلدى. ءبىزدىڭ ويىمىزشا، قازاقستاننىڭ ش ى ۇ- عا ءتوراعالىعى وتە مازمۇندى جانە قىزىقتى بولدى»، - دەدى جاڭ ميڭ.
سونىمەن قاتار ول استاناداعى ش ى ۇ سامميتى وتە جەمىستى وتكەنىن دە باسا ايتتى.
«بۇگىنگى سامميت ءونىمدى، سىندارلى جانە جەمىستى ءوتىپ، ۇيىم قىزمەتىنە جاڭا سەرپىن بەردى جانە ونىڭ تاريحىنداعى ماڭىزدى كەزەڭگە اينالدى. قازاقستان پرەزيدەنتى قاسىم-جومارت توقايەۆتى وسى وتىرىستىڭ ءساتتى وتۋىمەن جانە جالپى ش ى ۇ-عا جوعارى دەڭگەيدە ءتوراعالىق ەتۋىمەن قۇتتىقتاعىم كەلەدى. استانا سامميتىنەن كەيىن ءتوراعالىق ەستافەتاسىن قىتاي تاراپى قابىلدادى. قىتاي ۇزاق جىلدار بويى ۇيىمنىڭ دامۋىنا ءوز ۇلەسىن قوسىپ كەلەدى. قىتايلىق ارىپتەستەرگە جەمىستى جانە ناتيجەلى ءتوراعالىق ەتۋدى تىلەيمىز. ءبىز تسينداو قالاسىنا 2024-2025-جىلدارعا ارنالعان ش ى ۇ- نىڭ مادەني جانە تۋريستىك استاناسى مارتەبەسىنىڭ بەرىلۋىن قۇپتايمىز»، - دەدى جاڭ ميڭ.
