قازاقستان ءبىرقاتار دامىعان ەلدەن وزىپ، الەمدىك ءبىلىم بەرۋ رەيتينگىندە توپ-20 عا ەندى
استانا. KAZINFORM - عىلىم جانە جوعارى ءبىلىم ءمينيسترى ساياسات نۇربەك قازاقستان جاھاندىق Insider Monkey Official Education Index رەسمي ءبىلىم بەرۋ يندەكسىندە 0,698 كورسەتكىشىمەن 18-ورىندا تۇرعانىن مالىمدەدى.
يندەكس دەرەكتەرى بويىنشا قازاقستان الەمدىك ءبىلىم بەرۋ كەڭىستىگىنە تۇراقتى دامىپ كەلە جاتقان جانە ينتەگراتسيالانعان جۇيەلەرى بار ەلدەر توبىنا كىردى.
ا ق ش، ۇلى بريتانيا جانە قىتاي رەيتينگىدە الدىڭعى ورىندا. قازاقستان وسى توپتان كەيىن نيدەرلاند جانە ساۋد ارابياسىمەن ءبىر سەگمەنتتە، پولشا، ب ا ءا، سونداي-اق مەكسيكا، برازيليا جانە وڭتۇستىك افريكانى قوسا العاندا ءبىرقاتار ءىرى ەلدەردەن وزىپ تۇر.
رەيتينگ كريتەريلەرىنىڭ ءبىرى - ەلدەگى ۋنيۆەرسيتەتتەردىڭ QS-كە ۇسىنىلۋى. ۆەدومستۆو باسشىسىنىڭ ايتۋىنشا، 10 نان استام قازاقستاندىق جوعارى وقۋ ورنى QS Top 1000 قۇرامىنا كىرەدى. ولاردىڭ ىشىندە ءال-فارابي اتىنداعى قاز ۇ ۋ، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە Satbayev University بار.
تاعى ءبىر كورسەتكىش - ءبىلىم بەرۋگە جۇمسالاتىن مەملەكەتتىك شىعىنداردىڭ ج ءى ءو-گە پايىزدىق ۇلەسى. قازاقستاندا ول %3-4 دەڭگەيىندە قالىپ وتىر.
ساياسات نۇربەك قازاقستان حالىقارالىق ينتەگراتسيانى، زەرتتەۋ ۋنيۆەرسيتەتتەرىن دامىتۋدى، اكادەميالىق ورتا مەن ونەركاسىپ اراسىنداعى بايلانىستى نىعايتۋدى، سونداي-اق جاساندى ينتەللەكتكە نەگىزدەلگەن ەكونوميكا ءۇشىن كادرلار دايارلاۋدى قامتيتىن جوعارى ءبىلىمنىڭ وزىندىك مودەلىن قالىپتاستىراتىنىن اتاپ ءوتتى.
ونىڭ ايتۋىنشا، اكادەميالىق ۇتقىرلىقتىڭ ءوسۋى بايقالادى. حالىقارالىق سەرىكتەستىكتەر كەڭەيىپ، جوعارى وقۋ ورىندارىنىڭ زەرتتەۋ الەۋەتى ارتىپ كەلەدى.
مينيستر يندەكستىڭ ناتيجەسى قازاقستاننىڭ الەمدىك جوعارى ءبىلىم بەرۋ جۇيەسىندەگى ۇستانىمدارىنىڭ نىعايۋىن كورسەتەتىنىن اتاپ ءوتتى.
بۇعان دەيىن حابارلانعانداي، قازاقستان ورتالىق ازيا ەلدەرى اراسىندا رەكورد ورناتتى جانە QS Quacquarelli Symonds الەمنىڭ ۇزدىك ۋنيۆەرسيتەتتەرىنىڭ پاندىك رەيتينگىلەرىنىڭ 16-شىعارىلىمىندا پوزيتسياسىن نىعايتتى.
وڭىرلىك بولىنىستە شىعىس قازاقستان، الماتى، جامبىل، ماڭعىستاۋ جانە پاۆلودار وبلىستارى جوعارى ءبىلىم كورسەتكىشىن كورسەتتى.
