قازاقستان ءبىر جىلدا 400 مىڭنان استام شەتەلدىككە ج س ن بەرگەن

استانا. KAZINFORM - قازاقستان بىلتىر 435408 ادامعا ۇيالى بايلانىس وپەراتورىنا تىركەلىپ، بانك كارتاسى مەن شوتىن اشۋعا مۇمكىندىك بەرەتىن جەكە سايكەستەندىرۋ ءنومىرىن بەرگەن. بۇل تۋرالى ىشكى ىستەر مينيسترلىگى Kazinform اگەنتتىگىنىڭ ساۋالىنا جولداعان جاۋاپتا ايتىلعان.

цифрлық кеңсе
فوتو: كوللاج / Kazinform

- 2024 -جىلدىڭ 12 ايىندا ەلىمىزگە 15294699 شەتەلدىك كەلدى. ونىڭ ىشىندە 5860195 وزبەكستان، 3271654 رەسەي، 962583 تاجىكستان، 3335475 قىرعىزستان ازاماتى كىردى، - دەپ جازىلعان رەسمي مالىمەتتە.

مينيسترلىك مالىمەتىنەن وسى 15 ميلليون شەتەلدىك ءۇشىن قازاقستان ترانزيتتىك اۋماق بولعانىن كورۋگە بولادى. ويتكەنى، ەل اۋماعىنا ءبىر جىلدا كىرگەن ادامنىڭ تەك 41851 ى عانا تۇراقتاپ قالعان.

- وسى كەزەڭدە 15252848 شەتەلدىك شىقتى. ونىڭ ىشىندە - 5820299 وزبەكستان، 3301001 رەسەي، 960926 تاجىكستان، 3329523 قىرعىزستان ازاماتى شىقتى. 2024 -جىلى ەلگە كەلگەن شەتەلدىكتەرگە 435408 ج س ن راسىمدەلدى. جالپى ق ر كەلگەن بارلىق شەتەل ازاماتتارىنىڭ بولۋ مەرزىمى 30 كۇن، - دەلىنگەن جاۋاپتا.

بۇل مالىمەتتەن قازاقستان اۋماعىنا تەك ج س ن راسىمدەۋ ءۇشىن عانا كىرەتىن شەتەلدىكتەردىڭ كوپ بولعانىن بايقاۋعا بولادى.

جالپى ەلىمىزدە رەسەي، قىرعىزستان، تاجىكستان ازاماتتارى ۋاقىتشا ەسەپكە تۇرماي 90 كۇن بولا الادى، وزبەكستان ازاماتتارىنىڭ بولۋ مەرزىمى - 30 كۇن.

ءى ءى م اقپاراتىنا سۇيەنسەك، 2025 -جىلدىڭ باسىنان قاڭتار ايىنىڭ اياعىنا دەيىن ەلىمىزگە 925152 شەتەلدىك كەلگەن. ونىڭ ىشىندە 177892 رەسەي، 367228 وزبەكستان، 46037 تاجىكستان، 222712 قىرعىزستان ازاماتى بار.

- بيىل 902570 شەتەلدىك ەلىمىزدەن كەتتى. ونىڭ ىشىندە 212795 رەسەي، 314388 وزبەكستان، 45113 تاجىكستان، 218565 قىرعىزستان ازاماتى بار. 2025 -جىلى ەلىمىزگە كەلگەن 27186 شەتەلدىككە ج س ن راسىمدەلدى، - دەپ جازادى مينيسترلىك ماماندارى.

ەسكە سالساق، 2024 -جىلدىڭ اقىرعى كۇنىندە قازاقستان شەتەل ازاماتتارىنا ج س ن بەرۋدى ۋاقىتشا توقتاتاتىنى حابارلانعان ەدى.

اۆتور

ەسىمجان ناقتىباي

سوڭعى جاڭالىقتار