قازاقستان بىتىمگەرشىلىك ميسسياسىنىڭ گەوگرافياسىن كەڭەيتتى
ءوتىپ بارا جاتقان جىلدىڭ ىشىندە قازاقستان بىتىمگەرشىلىك ميسسياسى گەوگرافياسىن كەڭەيتتى. بۇل تۋرالى قورعانىس ءمينيسترىنىڭ ورىنباسارى، گەنەرال- لەيتەنانت سۇلتان كامالەتدينوۆ ايتتى، دەپ حابارلايدى Kazinform.
ورتالىق كوممۋنيكاتسيالار قىزمەتىندەگى بريفينگ بارىسىندا سپيكەر ەلىمىزدىڭ قارۋلى كۇشتەرىنىڭ اسكەري قىزمەتشىلەرى 24 حالىقارالىق وقۋ- جاتتىعۋ مەن جارىستارعا، ونىڭ ىشىندە باقىلاۋشى رەتىندە دە قاتىسقانىن اتاپ ءوتتى.
«2018 -جىلعا دەيىن قازاقستان رەسپۋبليكاسىنىڭ مىندەتتەمەلەرى باقىلاۋشى جانە شتاب ەلەمەنتتەرى رەتىندە عانا ب ۇ ۇ ميسسيالارىنا قاتىسۋمەن شەكتەلدى. بۇگىنگى تاڭدا ب ۇ ۇ- نىڭ ليۆانداعى ميسسياسىنىڭ ءۇندى بىتىمگەرشىلىك باتالونى قۇرامىندا قازاقستاندىق بىتىمگەرشىلىك بولىمشەنى ورنالاستىرۋ تاجىريبەسى بار. بايقاۋشىلار مەن شتاب وفيتسەرلەرىنىڭ بىتىمگەرشىلىك ميسسياسىنا قاتىسۋىنىڭ ساندىق قۇرامى كەڭەيتىلدى»، - دەدى گەنەرال- لەيتەنانت.
سۇلتان كامالەتدينوۆتىڭ ايتۋىنشا، وسى ۋاقىت ارالىعىندا قازاقستاندىق بىتىمگەر بولىمشەسىندە 607 اسكەري قىزمەتشى قىزمەت اتقاردى.
ونىڭ ىشىندە 7 ايەل بار.
قازىرگى ۋاقىتتا قازاقستان قارۋلى كۇشتەرىنىڭ بىتىمگەر ميسسيالارىنا 19 اسكەري قىزمەتشى قاتىسىپ ءجۇر.
