قازاقستان باسەكەگە قابىلەتتى ماقتا سورتتارىن ءوسىرۋدى قولعا الدى

استانا. KAZINFORM – ق ر اۋىل شارۋاشىلىعى مينيسترلىگى ۇلتتىق اگرارلىق عىلىمي- ءبىلىم بەرۋ ورتالىعى قولداۋىمەن ماقتانى سەلەكتسيالاۋ جۇمىستارى باستالدى.

جوبانىڭ نەگىزگى ماقساتى - ەلدىڭ ءار ءتۇرلى توپىراق- كليماتتىق زونالارىندا تۇراقتى ءوندىرىستى قامتاماسىز ەتە الاتىن باسەكەگە قابىلەتتى ماقتا سورتتارىن جاساۋ. بقل تۋرالى ۆەدومستۆونىڭ باسپا ءسوز قىزمەتى ءمالىم ەتتى.

24-25-ساۋىردە سەلەكتسيالىق پيتومنيكتەردە ءارى قاراي بۋدانداستىرۋ ءۇشىن ۇلگىلەر مەن گيبريدتى كومبيناتسيالار سالىندى. جوبادا 33 ستانتسيالىق ۇلگى، 26 گيبريدتى كومبيناتسيا جانە بيولوگيالىق پيتومنيكتەن 420 ۇلگى قاتىسادى. سونداي- اق، م-4011 جانە م-5027 سورتتارىنىڭ 40 توننا ەليتالىق تۇقىمىن الۋ جوسپارلانعان.

«عالىمدار جاڭا جاسالىپ جاتقان ورتاشا تالشىقتى ماقتا سورتتارى گەكتارىنان 45-50 تسەنتنەردەن جوعارى ونىمدىلىك بەرەتىنىن جانە 110-117 كۇننەن كەيىن جيناۋعا بولاتىن ەرتە پىسەتىندىگىن ايتادى»، - دەلىنگەن اقپاراتتا.

تالشىق ساپاسى دا تاڭقالارلىق – شىعىمى %38-40، تالشىق ۇزىندىعى 33-34 م م. كەيىنگى سەلەكتسيالىق جۇمىستار ءۇشىن ۇلگىلەردى ىرىكتەۋ جۇمىستارى باستالدى.

باعدارلاما قورىتىندىسى بويىنشا قازاقستان اۋىل شارۋاشىلىعى سىناقتارى مەن سورتتارىنىڭ مەملەكەتتىك كوميسسياسىنا جاڭا سورت بەرىلەدى.

ۆەگەتاتسيا كەزەڭىندە وسىمدىكتەرگە تىڭايتقىش ەنگىزۋ، قاتارارالىق وڭدەۋ، زيانكەستەرمەن كۇرەس جانە سۋارۋدى قوسا العاندا، كەشەندى كۇتىم جاسالدى.

ماقتانى جيناۋ قىركۇيەكتىڭ باسىندا باستالدى. ۇلتتىق اگرارلىق عىلىمي-ءبىلىم بەرۋ ورتالىعى قىزمەتكەرلەرى يندوسەلەكتسيالىق ۇلگىلەر جوعارى ونىمدىلىك كورسەتىپ جاتقانىن راستايدى.