قازاقستان ازاماتى پحۋكەتتە سۋعا باتىپ كەتتى

استانا. KAZINFORM -قازاقستان ازاماتى پحۋكەت ارالىندا سۋعا باتىپ مەرت بولدى. بۇل اقپاراتتى ەلىمىزدىڭ سىرتقى ىستەر مينيسترلىگى راستادى.

«پحۋكەت جاڭالىقتارى» سايتىنىڭ جازۋىنا قاراعاندا، وقىس وقيعا 31-شىلدە كۇنى كارون جاعاجايىندا بولعان. پحۋكەتكە ۇشىپ كەلە سالىسىمەن بىردەن شومىلماق بولعان 57 جاستاعى قازاقستان ازاماتى سۋعا باتىپ كەتكەن.

«وقيعا جايلى حابارلاما كارون پوليتسيا ۋچاسكەسىنە ساعات 14.20 دا جەدەل جاردەم ورتالىعىنان كەلىپ تۇسكەن. قازاقستاندىق تۋريست ەۆگەني ساپوگوۆ (57 جاستا) ورنالاسقاننان كەيىن بىردەن قوناقۇي الدىندا تەڭىزگە باتىپ كەتتى. ەر ادام پحۋكەتكە ۇشىپ كەلگەننەن كەيىن 60 كۇنگە ءمورتاڭبا العان. ءبىراق، ءبىر كۇن قونباستان مەرت بولدى»، - دەپ جازادى «پحۋكەت جاڭالىقتارى».