قازاقستان ازاماتتىعىن الۋشىلار سانى 25 پايىز ازايدى

استانا. KAZINFORM - سوڭعى جىلدارى قازاقستان ازاماتتىعىن الۋ تۋرالى وتىنىشتەر سانى ازايدى. بۇل تۋرالى ىشكى ىستەر مينيسترلىگى Kazinform اگەنتتىگىنىڭ رەسمي ساۋالىنا جولداعان جاۋاپتا ايتىلعان.

- وتكەن جىلى قازاقستان ازاماتتىعىن 20,2 مىڭ ادام الدى. ونىڭ ىشىندە 15,6 مىڭى نەمەسە%77 قانداس. بۇل 2023 -جىلمەن سالىستىرعاندا %25 عا از. 2023 -جىلى 26828 ادام قازاقستان ازاماتتىعىن العان ەدى. ونىڭ 20,5 مىڭى - قانداس بولعان، - دەلىنگەن حابارلامادا.

ۆەدومستۆو مالىمەتىنشە، قازاقستان رەسپۋبليكاسىنىڭ ازاماتتىعىنا قابىلدانعان ادامداردىڭ ەڭ كوپ سانى: وزبەكستان (%49 نەمەسە 82205)، ق ح ر (%26 نەمەسە 44058)، رەسەي (%5,4 نەمەسە 9126)، تۇرىكمەنستان (%5,3 نەمەسە 8938) جانە قىرعىزستانعا (%5 نەمەسە 8 522) تيەسىلى.

زاڭناماعا ساي، قازاقستان رەسپۋبليكاسى ازاماتتىعىن الۋدىڭ ەكى ءتارتىبى كوزدەلگەن: «قازاقستان رەسپۋبليكاسى ازاماتىعى تۋرالى» زاڭنىڭ 16-1-بابىنا سايكەس جەڭىلدەتىلگەن تىركەۋ ءتارتىبى (قاراۋ مەرزىمى 3 اي) جانە وسى زاڭنىڭ 16-بابىنا سايكەس جالپى بەلگىلەنگەن ءتارتىپ (قاراۋ مەرزىمى 6 اي).

ايتا كەتەيىك، بۇعان دەيىن بىلتىر قانشا ادام ەل ازاماتتىعىنان باس تارتقانى جايلى جازعان ەدىك.