قازاقستان اۋەجايلارىندا شەكارا باقىلاۋىنان ءوتۋ وڭايلاۋى مۇمكىن
استانا. KAZINFORM - ەندى جولاۋشىلارعا اۋەجايلاردا شەكارا باقىلاۋىنان ءوتۋ ءراسىمى ىڭعايلى بولۋى مۇمكىن. كولىك مينيسترلىگى ءتيىستى بۇيرىق جوباسىن جاريالادى.

قۇجات جوباسىنا سايكەس جولاۋشىلاردىڭ بۇل راسىمنەن ءوتۋىنىڭ قاراپايىمدىلىعى مەن جىلدامدىعى قامتاماسىز ەتىلۋى كەرەك:
جولاۋشىلاردىڭ ۇشۋ/كەلۋ راسىمدەرىنەن ءوتۋ ۋاقىتىن رەتتەيتىن، شەكارا قىزمەتىمەن كەلىسىلگەن اۋەجاي ستاندارتى بولۋى:
باقىلاۋدان وتكەنگە دەيىن جولاۋشىلار ءۇشىن راسىمدەردەن ءوتۋ تالاپتارى تۋرالى قولجەتىمدى اقپارات بولۋى؛
شەكارا قىزمەتىمەن كەلىسىلگەن، پاسپورتتىق باقىلاۋ كەزىندە جولاۋشىلارعا قىزمەت كورسەتۋ جىلدامدىعى بولۋىن جانە ورىندالۋىن باقىلاۋ؛
جولاۋشىلار سانى جىلىنا 1 ميلليوننان اساتىن اۋەجايلاردا پاسپورتتىق باقىلاۋدىڭ اۆتوماتتاندىرىلعان جۇيەسى بولۋى.
سونداي-اق، قۇجاتقا سايكەس، شەكارالىق باقىلاۋ قىزمەتى قىزمەتكەرلەرىنىڭ سىپايىلىعى مەن اشىقتىعى قامتاماسىز ەتىلۋى كەرەك.
جوبا «اشىق ن ق ا» پورتالىندا جاريالانعان، 31-قاڭتارعا دەيىن جاريا تالقىلاۋدا قولجەتىمدى بولادى.