قازاقستان اۋە كومپانياسى 25-ماۋسىمنان باستاپ تاياۋ شىعىسقا قايتا ۇشادى
استانا. KAZINFORM - تاياۋ شىعىستا اتىستىڭ توقتاتىلۋىنا بايلانىستى Air Astana اۋە كومپانياسى يراننىڭ اۋە كەڭىستىگىن اينالىپ ءوتىپ، وسى وڭىرگە ۇشۋدى قايتا باستايدى، دەپ حابارلايدى كومپانيانىڭ باسپا ءسوز قىزمەتى.
Air Astana اۋە كومپانياسىنىڭ مالىمەتىنشە، 25-ماۋسىمدا كەلەسى رەيستەر ورىندالادى دەپ كۇتىلىپ وتىر، بارلىق جەردە جەرگىلىكتى ۋاقىت كورسەتىلگەن:
KC205 استانا- دۋباي، 11:00
KC206 دۋباي- استانا، 16:40
KC653 الماتى- دوحا، 11:00
KC654 دوحا- الماتى، 15:05
KC897 الماتى - دۋباي، 11:15
KC898 دۋباي- الماتى، 16:10
- سونداي-اق ەڭ سىيىمدى Boeing 767 اۋە كەمەسىندە ك س8980 دۋباي-الماتى رەيسى ساعات 17: 40 تا رەپاترياتسيالىق رەيس ورىندالادى. بۇل رەيستەرگە بيلەتتەر ساتىلىمدا. كەستەنى اۋە كومپانيانىڭ سايتىندا تەكسەرۋدى سۇرايمىز. رەيستەر ۇشۋ قاۋىپسىزدىگىنىڭ جوعارى ستاندارتتارىنا سايكەس ورىندالادى، - دەپ اتاپ ءوتتى كومپانيانىڭ باسپا ءسوز قىزمەتى.
بۇعان دەيىن 2025 -جىلعى 24 - ماۋسىم كۇنگى جاعداي بويىنشا تاياۋ شىعىستاعى اسكەري-ساياسي احۋالدىڭ كۇرت شيەلەنىسۋىنە بايلانىستى ءبىرقاتار ەلدە رەسمي تۇردە شەكتەۋلەر ەنگىزىلىپ، ازاماتتىق اۆياتسياعا ارنالعان اۋە كەڭىستىكتەرى جابىلعان ەدى.
