قازاقستاندا كىمدەرگە كولىك تىزگىندەۋگە تىيىم سالىنۋى مۇمكىن؟
استانا. KAZINFORM - قازاقستاندا كولىك جۇرگىزۋشىلەرىنە تالاپ كۇشەيەدى. ءماجىلىس دەپۋتاتى ەكاتەرينا سمىشليايەۆا كىمدەرگە رولگە وتىرۋعا تىيىم سالىنۋى مۇمكىن ەكەنىن ايتتى.
ماجىلىستە جول قاۋىپسىزدىگىن سيفرلاندىرۋ جانە جۇرگىزۋشىلەردى وقىتۋ تۋرالى زاڭ جوباسى قارالىپ جاتىر. زاڭ جوباسىن تالقىلاۋ بارىسىندا دەپۋتات ەكاتەرينا سمىشليايەۆا مەديتسينالىق مالىمەت ءى ءى م بازالارىمەن بىرىكتىرىلەتىنىن مالىمدەدى. ەندى جۇرگىزۋشىلەر اۆتوماتتى تۇردە تەكسەرىلىپ، مەديتسينالىق قارسى كورسەتىلىمدەرى بار ادامداردىڭ كولىك باسقارۋىنا جول بەرىلمەيدى.
سونداي-اق، انىقتامالاردى قولدان جاساۋ مۇمكىندىگىنە دە توقتاۋ سالىنباق.
«زاڭ جوباسى جۇرگىزۋشىلەردى دايارلاۋ جۇيەسىن جەتىلدىرۋ، سالاعا زاماناۋي سيفرلىق قۇرالداردى ەنگىزۋ جانە سيفرلىق ورتادا ادام قاۋىپسىزدىگىن ارتتىرۋ ارقىلى جول قوزعالىسى قاۋىپسىزدىگىن جاقسارتۋعا باعىتتالعان»، - دەدى دەپۋتات.
