قازاقستان دزيۋدودان ارالاس كوماندالىق سىندا الەم چەمپيونى اتاندى

فينالدا قازاقستان قۇراماسى برازيليانىڭ سپورتشىلارمەن كەزدەستى. نەگىزگى بەلدەسۋلەر 3:3 ەسەبىمەن تەڭ اياقتالعان سوڭ، جەڭىمپازدى انىقتاۋ ءۇشىن قوسىمشا بەلدەسۋدىڭ جەرەبەسى تارتىلدى. جەرەبە بويىنشا -48 ك گ سالماق دارەجەسى ءتۇسىپ، شەشۋشى كەزدەسۋدە يانات جۇباتقان قازاقستانعا چەمپيوندىق اتاقتى سىيلادى.

فينالدا قازاقستان ساپىندا راسۋلحان عابيت (-60 ك گ)، ءىنجۋ جۇماجان (-63 ك گ)، بەكالي ەركەن (-81 ك گ)، توعجان تولەباي (+63 ك گ)، ءادىلجان جاۋدينوۆ (+81 ك گ) جانە يانات جۇباتقان (-48 ك گ) كۇرەستى.

قازاقستان قۇراماسى جارىس جولىن بولگاريانى 4:1 ەسەبىمەن جەڭۋدەن باستادى. شيرەك فينالدا جاپونيا قۇراماسىن 4:2 ەسەبىمەن، ال جارتىلاي فينالدا وزبەكستان سپورتشىلارىن 4:2 ەسەبىمەن جەڭدى.

بۇل - قازاقستان دزيۋدوسى تاريحىنداعى جاسوسپىرىمدەر اراسىنداعى الەم چەمپيوناتىنىڭ ارالاس كوماندالىق سىنىندا قول جەتكىزىلگەن العاشقى چەمپيوندىق اتاق.