قازاقستان ەكونوميكاسىندا قانشا ميلليون ادام ەڭبەك ەتەدى

ونىڭ ىشىندە 7,3 ميلليون ادام جالدامالى جۇمىس ىستەسە، 2,1 ميلليون ادام ءوزىن-ءوزى جۇمىسپەن قامتىعاندار قاتارىندا.

جۇمىسپەن قامتىلعانداردىڭ ەڭ جوعارى ۇلەسى ساۋدا سالاسىنا تيەسىلى - 16,8 پايىز. ودان كەيىن ءبىلىم بەرۋ - 13,3 پايىز، ونەركاسىپ - 12,4 پايىز، اۋىل شارۋاشىلىعى - 10,5 پايىز، كولىك جانە قويمالاۋ - 7,1 پايىز، قۇرىلىس - 6,8 پايىز، دەنساۋلىق ساقتاۋ جانە الەۋمەتتىك قىزمەت كورسەتۋ - 6,6 پايىز سالالارى ورنالاسقان.

2025-جىلدىڭ II توقسانىمەن سالىستىرعاندا ءبىرقاتار سالالاردا جۇمىسپەن قامتىلعاندار سانى ارتتى. ەڭ جوعارى ءوسىم جىلجىمايتىن مۇلىكپەن جاسالاتىن وپەراتسيالار سالاسىندا تىركەلدى - 37 مىڭ ادام. ءبىلىم بەرۋ سالاسىندا جۇمىسپەن قامتىلعاندار سانى 31,1 مىڭ ادامعا، دەنساۋلىق ساقتاۋ سالاسىندا 21,2 مىڭ ادامعا ءوستى.

سونداي-اق ونەر، ويىن-ساۋىق جانە دەمالىس سالالارىندا جۇمىسپەن قامتىلعاندار سانى 15,1 مىڭ ادامعا، كاسىبي، عىلىمي جانە تەحنيكالىق قىزمەت سالاسىندا 7,7 مىڭ ادامعا، قارجى جانە ساقتاندىرۋ قىزمەتىندە 7,4 مىڭ ادامعا ارتتى.