قازاق پەن قىتاي ۋنيۆەرسيتەتى بىرلەسىپ عارىشقا ميكروسپۋتنيك ۇشىرماق

استانا. KAZINFORM - ءال-فارابي اتىنداعى قازاق ۇلتتىق ۋنيۆەرسيتەتى مەن قىتاي حالىق رەسپۋبليكاسىنىڭ سولتۇستىك-باتىس پوليتەحنيكالىق ۋنيۆەرسيتەتى ميكروسپۋتنيك ارقىلى عىلىمي زەرتتەۋ جۇرگىزۋ بويىنشا كەلىسىمگە كەلدى.

بۇل تۋرالى ءال-فارابي اتىنداعى قازاق ۇلتتىق ۋنيۆەرسيتەتتىڭ رەكتورى جانسەيىت تۇيمەبايەۆ ءمالىم ەتتى.

ج و و باسشىسىنىڭ ايتۋىنشا، اتالعان كەلىسىمگە مەملەكەت باسشىسى قاسىم-جومارت توقايەۆ پەن قازاقستانعا رەسمي ساپارمەن كەلگەن ق ح ر ءتوراعاسى شي جينپيڭنىڭ بىرلەسكەن مالىمدەمە جاساۋ بارىسىندا قول جەتكەن.

«ورتاق جۇمىس ءوز كەزەگىندە عارىشتى زەرتتەۋگە، بىلىكتى مامانداردى دايارلاۋعا جانە ورتاق سپۋتنيكتەردى ازىرلەۋگە جول اشادى. سونىمەن قاتار ميكروسپۋتنيك ارقىلى جەردى قاشىقتىقتان زەرتتەۋ جۇمىستارىن جۇرگىزۋگە مول مۇمكىندىك بەرەدى»، - دەدى جانسەيىت تۇيمەبايەۆ ەلوردادا ش ى ۇ مۇشە ەلدەر وكىلدەرىنىڭ قاتىسۋىمەن وتكەن «جوعارى ءبىلىم بەرۋ جانە ءوندىرىستى ينتەگراتسيالاۋ سالاسىنداعى ىنتىماقتاستىق» اتتى حالىقارالىق سيمپوزيۋمدا.

قاز ۇ ۋ باسپا ءسوز قىزمەتىنىڭ مالىمەتىنشە، قىتايدىڭ سولتۇستىك-باتىس پوليتەحنيكالىق ۋنيۆەرسيتەتى عارىشقا نانوسپۋتنيكتەردى ۇشىرۋ بويىنشا كوشباسشى وقۋ ورنى.

جوبانىڭ ماقساتى - جەر قىرتىسى مەن مانتياداعى تىعىزدىق گەتەروگەندىلىگىن انىقتاۋ ءۇشىن سپۋتنيكتىڭ ارنايى جەر ستانتسياسى مەن تاراتقىشتى قامتيتىن گراۆيمەتريالىق ولشەۋ جابدىقتارىن ازىرلەۋ.

بۇل جۇمىس ۇلكەن تەرەڭدىكتەگى گەوديناميكالىق پروتسەستەردى زەرتتەۋدىڭ نەگىزگى مىندەتتەرىن شەشۋگە ارنالعان.

سونىمەن قاتار قوس ۋنيۆەرسيتەت بىرلەسىپ جاساعان ميكروسپۋتنيكتى شاڭحاي ىنتىماقتاستىق ۇيىمى جاريالاعان ەكولوگيا جىلى اياسىندا جانە قاز ۇ ۋ- دىڭ 90 جىلدىعى قارساڭىندا عارىشقا ۇشىرۋ جوسپارلانىپ وتىر.

«جىلدان جىلعا ش ى ۇ- عا مۇشە ەلدەر اراسىندا بارلىق سالا بويىنشا ىنتىماقتاستىق ارتىپ كەلەدى. بۇل تۇرعىدا ۋنيۆەرسيتەتتەر بىلىكتى مامانداردى دايارلاۋدا شەشۋشى ءرول اتقارادى. قازىر عىلىمي زەرتتەۋ جۇرگىزۋ، حالىقارالىق دەڭگەيدە ءبىلىم بەرۋ جانە ىسكەرلىك بايلانىستى دامىتۋدىڭ ماڭىزى وراسان زور. ءال-فارابي اتىنداعى قاز ۇ ۋ قازاقستاندىق جوعارى وقۋ ورىندارىنىڭ اراسىندا العاشقىلاردىڭ ءبىرى بولىپ ش ى ۇ- عا مۇشە مەملەكەتتەردىڭ جوعارى وقۋ ورىندارى مەن ش ى ۇ ۋنيۆەرسيتەتىنىڭ حارتياسى اراسىنداعى ىنتىماقتاستىق تۋرالى مەموراندۋمعا قول قويدى. ماقسات - الەمدىك ءبىلىم كەڭىستىگىنە ىقپالداسۋ جانە وتاندىق جوعارى ءبىلىمنىڭ باسەكەگە قابىلەتىن ارتتىرۋ»، - دەپ تولىقتىردى جانسەيىت تۇيمەبايەۆ.

ايتا كەتەيىك، شىۇ ەلدەرى بىرلەسكەن قارجىلاندىرۋ ارقىلى عىلىمي گرانتتار باعدارلاماسىن ىسكە قوسپاق.