قازاق كوكپارشىلارى رەسەيدى جەڭىپ، فينالعا ءوتتى
استانا. KAZINFORM - «قازانات» يپپودرومىندا قازاقستان مەن رەسەي كوكپارشىلارى جارتىلاي فينالدا ونەر كورسەتىپ، قازاقستاندىق شاباندوزدار اقتىق دوداعا ءوتتى.
قازاقستان قۇراماسى بۇل ويىندا، 18 سالىم سالسا، رەسەيلىك كوكپارشىلار سەركەنى شەڭبەرگە نەبارى 2 رەت قانا ءدۇپ تاستاي الدى.
سونىمەن قورىتىندى ەسەپ - 18:2.
قازاقستاندىق كوكپارشىلارى ەرتەڭ قىرعىزستان كوكپار كومانداسىمەن التىن جۇلدە ءۇشىن تالاسقا تۇسەتىن بولادى.
ەسكە سالايىق، كەشە قازاقستاندىق شاباندوزدار امەريكالىق كوكپارشىلاردى 12:4 ەسەبىمەن ۇتسا، ىرىكتەۋ كەزەڭىندە وزبەكستان قۇراما كومانداسىن 16:0 ەسەبىمەن ايقىن جەڭگەن ەدى.
بۇعان دەيىن ق ر كوكپار قۇراما كومانداسىنىڭ كاپيتانى تۇرعانبەك قۇرمانبەك قازاقستان قۇراماسىنىڭ باستى قارسىلاسى - قىرعىزستاندىق كوكپارشىلار ەكەنىن ايتقان بولاتىن.
اۆتور
ريزابەك نۇسىپبەك ۇلى
