قازاق بوكسشىسى ءبىر تاۋلىكتە ەكى وزبەكستاندىقتى نوكاۋتقا ءتۇسىردى

استانا. قازاقپارات – قازاقستاندىق كاسىپقوي بوكسشى ايدوس تاستايەۆ 25-مامىردا قىرعىزستاننىڭ وش قالاسىندا كەزەكتى جەكپە-جەگىن وتكىزەدى. بۇل ونىڭ كاسىپقوي رينگتەگى 12-ايقاسى بولماق.

ايدوس بيىلعى كوكتەمدە ەرەكشە بەلسەندىلىك تانىتىپ وتىر. الداعى كەزدەسۋ سوڭعى ءبىر اي ىشىندەگى ءۇشىنشى جەكپە-جەگى بولماق. بۇعان دەيىن، ءساۋىر ايىندا ول ءبىر تاۋلىكتىڭ ىشىندە ەكى رەت رينگكە شىعىپ، قارسىلاستارىن نوكاۋتقا جىبەرگەن ەدى.

26-ءساۋىر كۇنى تاشكەنتتە وتكەن كەزدەسۋدە تاستايەۆ ءبىرىنشى راۋندتا وزبەكستاندىق ديلشودبەك ناسيردينوۆتى تەحنيكالىق نوكاۋتپەن جەڭدى. اراعا ءبىر كۇن سالىپ، 27-ساۋىردە تاعى ءبىر وزبەك بوكسشىسى مۇحاممادجون بوبويەۆپەن قولعاپ ءتۇيىستىرىپ، ونى ەكىنشى راۋندتا مەرزىمىنەن بۇرىن جەڭىپ شىقتى.

قازىرگى ۋاقىتتا ايدوس تاستايەۆتىڭ كاسىپقوي بوكستاعى رەكوردى - 5 جەڭىس جانە 6 جەڭىلىس. 25-مامىردا ول قىرعىزستاننىڭ وكىلى ارگەن كادىربەك ۇلىمەن كەزدەسىپ، التىنشى جەڭىسىن ەنشىلەۋگە تىرىسادى.