قايىقتا وتىرعان كەزدە قانداي قاۋىپسىزدىك ەرەجەلەرىن ساقتاۋ كەرەك

استانا. KAZINFORM - ت ج م ماماندارى قايىقتا وتىرعان كەزدە قانداي قاۋىپسىزدىك ەرەجەلەرىن ساقتاۋ كەرەكتىگىن ەسكە سالادى.

ويتكەنى، كەشە تۇركىستان وبلىسىنداعى شاردارا سۋ قويماسىنا ەكى بالىقشى رەزەڭكە قايىقپەن بالىق اۋلاۋعا شىققان، قاراڭعى ءتۇسىپ كەتىپ، اداسقان جىگىتتەر جاعالاۋعا جەتە الماي قالعان.

قۇتقارۋشىلار وقيعا ورنىنا تەز جەتىپ، 1986 -جىلى تۋعان ەر ادامداردى جاعادان 1 شاقىرىم قاشىقتىقتان تاۋىپ الدى. ولارعا مەديتسينالىق كومەك قاجەت بولمادى.

- مۇنداي جاعدايدا ەڭ الدىمەن قۇتقارۋ كەۋدەشەسىن كيىڭىز.

قايىقتى جۇك كوتەرگىشتىگى بويىنشا قاتاڭ تۇردە تولتىرىڭىز.

قايىققا وتىرار الدىندا ونى مۇقيات تەكسەرىپ، جارامدىلىعى مەن بەرىكتىگىنە كوز جەتكىزىڭىز. وندا قۇتقارۋ دوڭگەلەگى مەن سۋ توگەتىن ءشومىش مىندەتتى تۇردە بولۋى كەرەك.

قايىقتىڭ قوزعالىسى كەزىندە اۋناپ كەتۋدى بولدىرماۋ ءۇشىن ورىنداردى اۋىستىرۋعا جانە قايىققا وتىرۋعا بولمايدى.

سۋ ايدىنىندا قايىقتى قاتتى جەل مەن تولقىنعا قىرىنان ۇستاڭىز.

داۋىلدى ەسكەرتۋ كەزىندە سۋعا شىقپاڭىز، - دەپ ەسكەرتتى ماماندار.

كومەك كەرەك بولسا، دەرەۋ 112 نومىرىنە تەلەفون شالۋ قاجەت.

ايتا كەتەيىك، ت ج م دەرەگىنشە، سۋعا باتىپ كەتكەندەردىڭ 95 پايىزى رۇقسات ەتىلمەگەن جەردە شومىلعان.