قايتارىلعان اكتيۆتەردى باسقارۋ كومپانياسى 14,9 ميلليون تەڭگەنىڭ اشەكەيىن اۋكسيونعا شىعاردى

استانا. KAZINFORM - «قايتارىلعان اكتيۆتەردى باسقارۋ كومپانياسى» جاۋاپكەرشىلىگى شەكتەۋلى سەرىكتەستىگى ەلەكتروندى اۋكسيونعا باستاپقى جيىنتىق قۇنى 14,9 ميلليون تەڭگە بولاتىن اشەكەي بۇيىمدارىن شىعاردى.

اۋكسيون 15-تامىز كۇنى ساعات 10.00 دە باستالادى.

ساۋداعا قويىلعان لوتتار:

• اشەكەي بۇيىمدار (بيجۋتەريا) - 15 دانا، باستاپقى باعاسى - 139100 تەڭگە؛

• سۋۆەنيرلىك مونەتالار مەن قالامدار - 32 دانا، باستاپقى باعاسى - 8640728 تەڭگە؛

• بىلعارى بەلدىك پەن قارۋ تۇرلەرى - 26 دانا، باستاپقى باعاسى - 6118847 تەڭگە.

- اكتيۆتەردىڭ جالپى باستاپقى قۇنى - 14898675 تەڭگە. اۋكسيونعا قاتىسۋ ءۇشىن E-Qazyna پلاتفورماسىندا تىركەلىپ، كەپىلدىك جارنانى ەنگىزۋ جانە ءوتىنىمدى بەلگىلەنگەن مەرزىمدە تاپسىرۋ قاجەت، - دەلىنگەن حابارلاندىرۋدا.

بۇعان دەيىن 2025-جىلدىڭ باسىنان بەرى اۋكسيوندار ارقىلى 32 قايتارىلعان اكتيۆ ساتىلعانىن جازعان ەدىك.