قاتتى جەل سوعىپ تۇر، جول كورىنبەيدى: كولىك مينيسترلىگىنىڭ احۋالدىق ورتالىعىندا جەدەل شتاب قۇرىلدى
كولىك مينيسترلىگىنىڭ احۋالدىق ورتالىعىندا تۇركىستان جانە جامبىل وبلىستارىنداعى كۇن رايى جاعدايىنا بايلانىستى جەدەل شتاب قۇرىلدى. بۇل تۋرالى ق ر كولىك مينيسترلىگى اۆتوموبيل جولدارى كوميتەتىنىڭ ءتوراعاسى تولەگەن ابدۋللين ءمالىم ەتتى، دەپ حابارلايدى Kazinform مينيسترلىكتىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، قازىرگى ۋاقىتتا جولدىڭ كورىنبەۋىنە جانە سەكۋندىنا 43 مەترگە دەيىن جىلدامدىقپەن جەل سوعۋىنا بايلانىستى ماشاتتان شاقپاق باباعا دەيىن جول ءجۇرۋ قيىنداي ءتۇستى.
جول سالاسى ماماندارى تازالاۋ جۇمىستارىمەن اينالىسىپ جاتىر، الايدا جولدىڭ كورىنبەۋىنە بايلانىستى بۇل جۇمىس قيىنعا سوعۋدا. جامبىل وبلىسىنان شىمكەنت قالاسىنا دەيىن كولىك قوزعالىسىنا شەكتەۋ قويىلدى. سونىڭ سالدارىنان كولىكتەر جينالىپ جاتىر. جەرگىلىكتى ورگاندار توتەنشە جاعدايلار، جول پوليتسياسى جانە جول قىزمەتتەرىمەن بىرلەسىپ، جۇرگىزۋشىلەر مەن جولاۋشىلارعا ىستىق تاماق ۇيىمداستىردى.
«شاقپاق بابا ۋچاسكەسىندە 35 كە جۋىق اۆتوكولىك قار قۇرساۋىنان شىعارىلىپ، جىلىتۋ پۋنكتتەرىنە جىبەرىلدى. اۋا-رايى بولجامى بويىنشا كۇن كەلەسى كۇنى عانا وڭالا تۇسەدى. اۆتوكولىك جۇرگىزۋشىلەرىنىڭ قاۋىپسىزدىگى ءۇشىن جاقىن ماڭداعى ەلدى مەكەندەردەن، سونىڭ ىشىندە ءىرى قالالاردان ساپارعا شىعۋدان باس تارتۋدى سۇرايمىز»، - دەلىنگەن حابارلامادا.
