قاسىم-جومارت توقايەۆ نۇرسۇلتان نازاربايەۆتى مەرەيتويىمەن قۇتتىقتادى
استانا. KAZINFORM - مەملەكەت باسشىسى قازاقستاننىڭ تۇڭعىش پرەزيدەنتى نۇرسۇلتان نازاربايەۆتى 85 جاسقا تولۋىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ جەدەلحاتتا مەرەيتوي يەسىنىڭ تاريحي رولىنە توقتالىپ، ونىڭ جاڭا داۋىردەگى قازاق مەملەكەتتىلىگىنىڭ باستاۋىندا تۇرعانىن جانە قازاقستان رەسپۋبليكاسىنىڭ قالىپتاسۋى مەن دامۋىنا زور ۇلەس قوسقانىن جازعان.
سونداي-اق مەملەكەت باسشىسى تۇڭعىش پرەزيدەنتتىڭ قازاقستان استاناسىن كوشىرۋ تۋرالى شەشىمى ەل ەكونوميكاسىن وركەندەتۋگە جانە مەملەكەتتىڭ حالىقارالىق بەدەلىن نىعايتۋعا ايرىقشا ىقپال ەتكەنىن اتاپ وتكەن.
قاسىم-جومارت توقايەۆ نۇرسۇلتان نازاربايەۆتىڭ دەنىنە ساۋلىق تىلەدى.
ەسكە سالا كەتەيىك، بۇعان دەيىن مەملەكەت باسشىسىنىڭ الجير پرەزيدەنتى مەن وتانداستارىن تاۋەلسىزدىك كۇنىمەن قۇتتىقتاعانىن جازعان ەدىك.
