قاس-قاعىم ساتتە جارىلۋى مۇمكىن: گاز باللوندارىن قالاي قاۋىپسىز پايدالانۋ كەرەك

 شىعىس قازاقستان وبلىسىنىڭ قۇتقارۋشىلارى گاز باللوندارىن قالاي قاۋىپسىز پايدالانۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى. 

баллон
Фото: Фото: ҚазАқпарат

گاز باللوندارىن ۇنەمى پايدالاناتىن ازاماتتاردىڭ كوبى قاراپايىم قاۋىپسىزدىك ەرەجەلەرىن ساقتاي بەرمەيدى. سونىڭ سالدارىنان جىل سايىن جارىلىستار مەن توتەنشە جاعدايلار بولىپ جاتادى. سەبەبى گاز باللوندارى وتە قاۋىپتى، قاس-قاعىم ساتتە جارىلۋى مۇمكىن.

حالىق اراسىندا ەسكى، توزعان جانە قاجەتتى كۋالاندىرۋدان وتپەگەن گاز باللوندارىن پايدالاناتىندار از ەمەس. باللوندى گازعا تولتىرۋ ءۇشىن تۇرعىندار ارنايى جابدىقتارى جوق گاز قۇيۋ ستانتسيالارىنا دا بارىپ جاتادى.

وسى رەتتە، ش ق و ت ج د قىزمەتكەرلەرى گاز باللوندارىن قالاي قاۋىپسىز پايدالانۋ كەرەكتىگىن ەسكە سالدى:

- پاتەرلەردە، جەر ۇيلەردە، جەرتولەلەردە سۇيىتىلعان گاز قۇيىلعان باللونداردى ساقتاۋعا بولمايدى. قوسالقى، تولتىرىلعان جانە بوس باللونداردى عيماراتتاردىڭ سىرتىندا ارنايى شكافتاردا نەمەسە قوسالقى ءۇي- جايلاردا ساقتاۋ قاجەت. باللوندى سۋىقتان جىلى جەرگە اكەلۋگە، ونى جىلۋ كوزدەرىنىڭ جانىنا قويۋعا قاتاڭ تىيىم سالىنعان. سونىڭ سالدارىنان جارىلىس بولۋى مۇمكىن.

- گاز باللوندارىن 2 قاباتتان اسپايتىن عيماراتتاردا ورنالاستىرۋعا رۇقسات ەتىلەدى. مىندەتتى تۇردە باللون رۇقسات ەتىلگەن قىسىمنان اسقان كەزدە ىسكە قوسىلاتىن اعىزۋ كلاپانىمەن جابدىقتالۋى ءتيىس.

- باللوندارعا گازدى ولشەۋدىڭ نورماتيۆتىك دالدىگىن قامتاماسىز ەتەتىن سالماق قوندىرعىسىمەن جابدىقتالعان مامانداندىرىلعان پۋنكتتەردە عانا قۇيۋ كەرەك. سيليندردى اۋىستىرۋ گاز ماماندارىنىڭ قاتىسۋىمەن عانا جۇزەگە اسىرىلادى.

- سيليندردى گاز پليتاسىنا قوسۋ ءۇشىن ۇزىندىعى ءبىر مەتردەن اسپايتىن ارنايى شلانگتى پايدالانىڭىز. ونىڭ سوزىلۋىنا نەمەسە قىسىلۋىنا جول بەرمەڭىز.

- گازدى قوسۋ رەتىن قاداعالاڭىز: الدىمەن سىرىڭكەنى جاعىپ، سودان كەيىن گازدى اشىڭىز.

- ءۇي-جايدا گازدىڭ ءيىسى پايدا بولعان كەزدە گاز بەرۋ كرانىن جاۋىپ، ءۇي-جايدى جەلدەتۋ ءۇشىن تەرەزەلەر مەن ەسىكتەردى دەرەۋ اشىڭىز. اشىق وتتى پايدالانۋعا، ەلەكتر قۋاتىن قوسۋعا بولمايدى.

سوڭعى جاڭالىقتار