قاراشا ايىندا 24 گرادۋسقا دەيىن اياز بولادى - قازگيدرومەت
استانا. KAZINFORM - سينوپتيكتەر 2024 -جىلدىڭ قاراشا ايىنداعى اۋا رايى بولجامىن جاريالادى.
قازگيدرومەت تاراتقان حابارلاماعا قااراعاندا، قاراشادا جىلى جانە ايازدى كۇندەر ءجيى الماسىپ تۇرادى، سونىمەن قاتار جاۋىن-شاشىن كۇتىلەدى: وڭتۇستىك-باتىس جانە وڭتۇستىك وڭىرلەردە جاڭبىر مەن قار جاۋۋى مۇمكىن. اي بويى جەلدىڭ كۇشەيۋى، بوران، كوكتايعاق پەن تۇمان بولادى دەپ بولجانىپ وتىر.
«قاراشانىڭ ءبىرىنشى ونكۇندىگىنىڭ باسىندا اۋا تەمپەراتۋراسى كوتەرىلەدى: رەسپۋبليكانىڭ سولتۇستىگىندە، ورتالىعىندا جانە شىعىسىندا تۇندە -5+5°c- تان +2+8°c - قا دەيىن، كۇندىز +2+7°c - تان +7+12°c - قا دەيىن، كەيىنىرەك تەمپەراتۋرا بىرتىندەپ تۇندە -2-8°c - قا، كۇندىز 06 -5°c - قا دەيىن تومەندەيدى. وڭتۇستىكتە 4-10-قاراشا ارالىعىندا جاڭبىر جاۋادى، كەيبىر كۇندەرى قاتتى جاۋىن- شاشىن بولۋى مۇمكىن، ال تاۋلى ايماقتاردا جاڭبىر قارعا اينالۋى مۇمكىن. باتىس ايماقتاردا تۇندە اۋا تەمپەراتۋراسى +4+10°c - تان -2-7°c - قا، كۇندىز +7+15°c - تان -2+5°c - قا دەيىن تومەندەيدى دەپ بولجانىپ وتىر» ، — دەپ جازىلعان حابارلامادا.
ال قاراشانىڭ ەكىنشى جارتىسىندا اۋا رايى كۇرت سۋىتىپ، اياز تۇسەدى.
«سۋىق اۋا ماسسالارى كەلگەندە تەرمومەتر باعانى ەڭ سالقىن كۇندەرى تومەندەيدى. رەسپۋبليكانىڭ سولتۇستىگىندە، ورتالىعىندا جانە شىعىسىندا تۇندە -15-24°c - قا دەيىن، كۇندىز -7-12°c - قا دەيىن تومەندەيدى. باتىس جانە وڭتۇستىك وڭىرلەردە تۇندە -3-15°c ، كۇندىز 0، -7°c - قا دەيىن تومەندەيدى. قاراشا ايىندا جاۋىن- شاشىن مولشەرى رەسپۋبليكا اۋماعىنىڭ باسىم بولىگىندە قالىپتى دەڭگەيدە بولادى دەپ بولجانىپ وتىر»، - دەيدى قازگيدرومەت.
