قاراعاندىداعى پوليتسيا پۋنكتىنەن ايەلدىڭ ءمايىتى تابىلدى

قاراعاندى. KAZINFORM - قاراعاندىدا پوليتسيانىڭ ءبىر تىرەك پۋنكتىندە ايەل ادامنىڭ ءمايىتى انىقتالدى. وقيعا ورنىندا ەس-ءتۇسسىز جاتقان پوليتسەي قىزمەتكەرى دە بولعان. ول دەرەۋ مەديتسينالىق مەكەمەگە جەتكىزىلدى.

قاراعاندى وبلىسى پوليتسيا دەپارتامەنتىنىڭ باسپا ءسوز قىزمەتى مالىمدەگەندەي، وقيعاعا بايلانىستى قىلمىستىق ءىس قوزعالدى.

- قازىرگى ۋاقىتتا جاعدايدىڭ ءمان-جايى مەن ايەلدىڭ ءولىم سەبەبى انىقتالىپ جاتىر. وبەكتيۆتى تەكسەرۋ ءۇشىن ارنايى جەدەل-تەرگەۋ توبى قۇرىلدى، سونداي-اق قىزمەتتىك تەرگەۋ تاعايىندالدى، - دەلىنگەن ۆەدومستۆو حابارلاماسىندا.

وبلىستىق پوليتسيا باسشىلىعى ءىستىڭ تەرگەلۋى دەپارتامەنت باستىعىنىڭ جەكە باقىلاۋىندا ەكەنىن اتاپ ءوتتى.

- بارلىق ءىس-ارەكەت مۇقيات تەكسەرىلىپ، كىنالى تۇلعالار قاتاڭ جاۋاپكەرشىلىككە تارتىلادى، - دەدى قاراعاندى وبلىسى پوليتسيا دەپارتامەنتىنىڭ باستىعى نەعمەت يسماعۇلوۆ.

سونىمەن بىرگە دەپارتامەنت وكىلدەرى ازاماتتاردى راستالماعان اقپارات تاراتپاۋعا شاقىرىپ، مۇنداي ارەكەتتەر تەرگەۋ بارىسىنا كەدەرگى كەلتىرەتىنىن ەسكەرتتى.