قاراعاندى وبلىسىندا ەكى شاحتەردىڭ قازا بولۋ فاكتىسىنە قاتىستى قىلمىستىق ءىس قوزعالدى

قاراعاندى. KAZINFORM - قاراعاندى وبلىسىندا «ساياق-3» شاحتاسىنىڭ ەكى قىزمەتكەرىنىڭ قازا بولۋ فاكتىسى بويىنشا قىلمىستىق ءىس قوزعالدى. سونداي-اق، ەڭبەك ينسپەكتسياسى ارنايى كوميسسيا قۇردى، دەپ حابارلايدى Kazinform اگەنتتىگىنىڭ ءتىلشىسى.

قاراعاندى وبلىسىنىڭ پوليتسيا دەپارتامەنتى «ساياق-3» شاحتاسى قىزمەتكەرلەرىنىڭ قازا بولۋ فاكتىسى بويىنشا قىلمىستىق ءىس قوزعادى.

«ساياق-3» شاحتاسىندا بولعان وقيعاعا بايلانىستى قازاقستان رەسپۋبليكاسى قىلمىستىق كودەكسىنىڭ 277-بابىنىڭ 2-تارماعىنا سايكەس، ياعني ابايسىزدا ادام ولىمىنە نەمەسە وزگە دە اۋىر زارداپتارعا اكەپ سوققان تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك قاعيدالارىن بۇزۋ دەرەگى بويىنشا قىلمىستىق ءىس قوزعالدى. قازىرگى ۋاقىتتا پوليتسيا قىزمەتكەرلەرى وقيعانىڭ ءمان-جايىن انىقتاۋ بويىنشا كەشەندى تەرگەۋ ارەكەتتەرىن جۇرگىزۋدە»، - دەپ حابارلادى قاراعاندى وبلىسى پ د باسپا ءسوز قىزمەتى.

سونداي-اق، قايعىلى وقيعانىڭ ءمان-جايىن زەرتتەيتىن كوميسسيا قۇرىلدى.

«قازاقستان رەسپۋبليكاسىنىڭ ەڭبەك زاڭناماسى شەڭبەرىندە قر ەحاقم مەملەكەتتىك ەڭبەك ينسپەكتسياسى كوميتەتىنىڭ قاراعاندى وبلىسى بويىنشا دەپارتامەنتى سانيتاريالىق- ەپيدەميولوگيالىق باقىلاۋ وكىلىنىڭ، سونداي-اق جۇمىس بەرۋشىنىڭ وكىلدەرىنىڭ قاتىسۋىمەن «بالقاش سۆەتمەت» ءو ب «قازاقمىس كورپوراتسياسى» ج ش س (ساياق كەنىشى) قىزمەتكەرلەرىمەن بولعان توپتىق جازاتايىم وقيعاعا ارنايى تەرگەۋ جۇرگىزۋ ءۇشىن جازاتايىم وقيعانى تەرگەۋ جونىندە كوميسسيا قۇردى»، - دەپ ءتۇسىندىردى ەڭبەك ينسپەكتسياسى دەپارتامەنتىنىڭ باسپا ءسوز قىزمەتى.

ارنايى تەرگەۋ جۇمىستارى ارقىلى اتالمىش جازاتايىم وقيعانىڭ ءمان-جايلارى مەن سەبەپتەرى انىقتالاتىن بولادى.

ەستەرىڭىزگە سالا كەتەيىك، «قازاقمىس» كومپانياسىنا تيەسىلى «ساياق-3» شاحتاسىندا كومىرتەگى گازى شىعىپ، ناتيجەسىندە شاحتانىڭ ەكى قىزمەتكەرى قازا تاپتى.

اۆتور
ايزادا اگيلبايەۆا