قاراعاندى وبلىسىندا بوراندا جولدا قالىپ قويعان 55 جولاۋشىسى بار اۆتوبۋس قۇتقارىلدى
قاراعاندى وبلىسىندا بوران سوعىپ تۇرعانىنا ەكى تاۋلىك بولدى. پوليتسەيلەر قۇتقارۋشىلارمەن، ەرىكتىلەرمەن جانە اتقارۋشى ورگاندارمەن بىرگە بوراندا جولدا قالىپ قويعان ادامدارعا كومەك كورسەتىپ جاتىر، دەپ حابارلايدى Kazinform قاراعاندى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«وكىنىشكە قاراي وتانداستارىمىز اۋا رايىنا بايلانىستى ەسكەرتۋلەرگە قاراماستان كورشىلەس وڭىرلەرگە قوناققا بارعان، كەيبىرى جۇمىستان كەلە جاتتى. اباي اۋدانىندا « قىزىلوردا- پاۆلدار» اۆتوجولىنىڭ 788-908 شاقىرىمىندا، توپار اۋىلى ماڭىنان 55 جولاۋشىسى بار اۆتوبۋس جەتكىزىلدى. جولاۋشىلار جەرگىلىكتى مەشىتتەرگە ورنالاستىرىلىپ، جىلى جەردە وتىر، ازىق- تۇلىكپەن قامتاماسىز ەتىلدى»، - دەلىنگەن حابارلامادا.
قازىرگى تاڭدا پوليتسيا قىزمەتكەرلەرى مۇمكىندىگىنشە كولىكتەردى جاقىن ماڭداعى ەلدى مەكەندەرگە جەتكىزىپ جاتىر.
قاراعاندى وبلىسىنىڭ تۇرعىندارى مەن قوناقتارىنا الىس ساپارعا شىعۋدان باس تارتىپ، ەلدى مەكەندەردەن الىس كەتپەۋگە شاقىرامىز. سونداي-اق اۋا رايىنا جانە كولىكتەردىڭ قوزعالىسىنا بايلانىستى ەسكەرتۋلەردى نازاردا ۇستاعان ابزال.
كولىك بۇزىلىپ، كومەك قاجەت بولعان جاعدايدا 102 نومىرىنە قوڭىراۋ شالىپ، نەمەسە ىشكى ىستەر ورگاندارىنا جەرگىلىكتى وكىلدىكتەرىنە حابارلاسۋ كەرەك.
Посмотреть эту публикацию в Instagram
