قاراعاندى مەن پاۆلودارداعى ءورت: تۇرعىنداردى جالعان اقپاراتقا سەنبەۋگە شاقىردى
قاراعاندى. KAZINFORM - قازاقستاننىڭ ەكى وبلىسىندا - قاراعاندى مەن پاۆلوداردا ءورت ءسوندىرىلىپ جاتىر. تەرەكتى اۋىلىندا جەدەل شتاب قۇرىلىپ، قارقارالى اۋدانى مەن قاراعاندى وبلىسىنىڭ اكىمدەرى وقيعا ورنىندا ءجۇر.
شتاب جۇمىسىنا 386 ادام تارتىلدى. توتەنشە جاعدايلار مينيسترلىگى، ت ج د جانە باسقا دا دەپارتامەنتتەر مەن قىزمەت قىزمەتكەرلەرى، 64 بىرلىك تەحنيكا، توتەنشە جاعدايلار مينيسترلىگى مەن قورعانىس مينيسترلىگىنىڭ تىكۇشاعى جۇمىلدىرىلعان.
وسى رەتتە قارقارالى اۋدانىنىڭ اكىمى ءادىلجان ارعىنوۆ قازىر الەۋمەتتىك جەلىلەردە ءتۇرلى كومەك ۇيىمداستىرىپ جاتقاندار تۋرالى ەسكەرتتى.
«قازىر الەۋمەتتىك جەلىدە قارجى جيناۋ، كومەك كورسەتۋ بويىنشا اقپارات تاراتىلىپ جاتىر. جاۋاپتى ادامدارسىز ۇيىمداستىرعان كومەك دۇرىس ەمەس ەكەنىن ەسكەرتكىم كەلەدى. قازىرگى ۋاقىتتا كۇش-قۇرالدار جەتكىلىكتى. ساربازداردىڭ تاماعى، دەمالاتىن ورىندارى، جانار- جاعارمايمەن تولىق قامتاماسىز ەتىلگەن»، - دەدى قاراعاندى وبلىسى قارقارالى اۋدانىنىڭ اكىمى ءادىلجان ارعىنوۆ Instagram پاراقشاسىندا.
ايتا كەتەيىك، توتەنشە جاعدايلار مينيسترلىگىنىڭ باسپا ءسوز قىزمەتى قاراعاندى وبلىسىندا تۇتانعان دالا ورتىنە بايلانىستى تىڭ مالىمەتتەردى جاريالادى.
اۆتور
ەلميرا ورالبايەۆا
