قاراعاندى اكىمدىگى قۇنى 1,1 ميلليارد تەڭگە بولاتىن جەر تەلىمدەرىن تەگىن ۇلەستىرگەن
قاراعاندى قالاسى قازىبەك بي اتىنداعى اۋدان پروكۋراتۋراسى كوممەرتسيالىق ماقساتتا جەر بەرۋ كەزىندە جەرگىلىكتى اتقارۋشى ورگاندار تاراپىنان بۇزۋشىلىقتار ورىن العانىن انىقتادى، دەپ حابارلايدى Kazinform.
قاراعاندى قالاسىنىڭ اكىمدىگى "مەملەكەتتىك مۇلىك تۋرالى" زاڭنىڭ 62-1-بابىن بۇزا وتىرىپ، باعالاۋ ءراسىمىن جۇرگىزۋسىز بۇرىن الىنعان جەر ۋچاسكەلەرىنىڭ ورنىنا تۇرعىن ەمەس ءۇي-جايلارى بار كوپپاتەرلى تۇرعىن ءۇي سالۋ جانە ونى ودان ءارى پايدالانۋعا بەرۋ ءۇشىن كوممەرتسيالىق ماقساتقا 14 جەر ۋچاسكەسىن بەرگەن.
"پروكۋراتۋرانىڭ نارازىلىعى بويىنشا قالا اكىمدىگى جوعارىدا اتالعان قاۋلىنىڭ كۇشىن جويۋ تۋرالى تالاپتاردى تولىق كولەمدە قاناعاتتاندىردى، قۇنى 158 ميلليون تەڭگە بولاتىن 4 گا كوممەرتسيالىق ماقساتتاعى 14 جەر ۋچاسكەسى مەملەكەتتىك مەنشىككە قايتارىلدى"،-دەپ جازدى باقىلاۋشى ورگاننان.
بۇدان بولەك، قازىبەك بي اتىنداعى اۋدان پروكۋراتۋراسى ۇزاق ۋاقىت بويى پايدالانىلماي جاتقان كوممەرتسيالىق جەردى انىقتادى.
جەر كودەكسىنىڭ 92-بابىنا سايكەس قۇرىلىسقا ارنالعان جەر ۋچاسكەسى ماقساتى بويىنشا پايدالانىلماسا، وندا مۇنداي جەر ۋچاسكەسى ماجبۇرلەپ الىپ قويۋعا جاتادى.
ءىرى كاسىپكەرلەردىڭ ءبىرى 2018-جىلدان باستاپ جالپى اۋدانى 32 گا بولاتىن 6 كوممەرتسيالىق جەر ۋچاسكەلەرىن يگەرۋگە شارالار قابىلداماعان.
"قاداعالاۋ اكىسى بويىنشا كاداسترلىق قۇنى 1,1 ميلليارد تەڭگە قۇرايتىن وسى جەر ۋچاسكەلەرى مەملەكەت مەنشىگىنە قايتارىلدى"، - دەلىنگەن اقپاراتتا.
بۇل باعىتتاعى جۇمىس جالعاستىرىلۋدا.
