قانداس مارتەبەسىن العان قازاقستاندىقتاردىڭ %17 ى جوعارى ءبىلىمدى
استانا. قازاقپارات - 2025 -جىلدا 5496 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى، دەپ حابارلايدى ەڭبەك مينىستىرلىگىنىڭ باسپا ءسوز قىزمەتى.
جالپى 1991 -جىلدان بەرى رەسپۋبليكاعا 1 ميلليون 153 مىڭ ەتنيكالىق قازاق ورالدى.
جىل باسىنان قازاقستانعا كەلگەن قانداستاردىڭ %45,8 قىتايدان، %41,2 - وزبەكستاننان، %5,5 - تۇرىكمەنستاننان، %2,6 - مونعوليادان %2,4 - رەسەيدەن جانە 2,5 باسقا ەلدەردەن.
ۆەدومستۆو مالىمەتىنشە، وسى جىلعى 1-ماۋسىمداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى % 60,1 دى، ەڭبەككە قابىلەتتى جاستان كىشى %31 دى جانە زەينەتكەرلەر %8,9 دى قۇرايدى.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %17 ى جوعارى ءبىلىمدى، %27,4 ى ورتا كاسىبي ءبىلىمدى،% 53,2 ى جالپى ورتا ءبىلىمدى، جانە %2,4 ءبىلىم جوق.
قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى.
سونىمەن بىرگە، قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى: اقمولا، اباي، قوستاناي، پاۆلودار، اتىراۋ، باتىس، شىعىس جانە سولتۇستىك قازاقستان وبلىستارى.
قونىستاندىرۋ وڭىرلەرىندە 2025 -جىلعا ارنالعان قانداستاردى قابىلداۋ كۆوتاسى 2309 ادامدى قۇرايدى. 2025 -جىلعى 1-ماۋسىمداعى جاعداي بويىنشا قونىستاندىرۋ وڭىرلەرىنە 917 قانداس قونىس اۋداردى.
جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى - ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 ا ە ك (275,2 مىڭ تەڭگە) مولشەرىندە؛ تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە - ءبىر جىل ىشىندە 15 تەن 30 ا ە ك (59 دان 118 مىڭ تەڭگەگە دەيىن) مولشەرىندە.
جىل باسىنان بەرى 340 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 163 ادام تۇراقتى جۇمىسقا ورنالاستىرىلدى.
- سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ %50 ى نەمەسە ءبىر وتباسىنا 4,56 ميلليون تەڭگەگە دەيىن مولشەرىندە ءبىرجولعى وتەۋسىز جانە قايتارىمسىز نەگىزدە ەنگىزىلدى، - دەلىنگەن حابارلامادا.
